________________
ಮೃತ್ಯು ಸಮಯದಲಿ
ಮಲಗಿಕೊಂಡೇ ಎಲ್ಲಾ ನೋಂದಣಿ ಮಾಡಿಕೊಳ್ಳುತ್ತಾ, ಯಾರೆಲ್ಲಾ ನೋಡಲು ಬಂದಿದ್ದರು ಎಂಬ ವಿಚಾರವನ್ನೇ ಮಾಡುತಲಿರುತ್ತಿದ್ದರು. ಅಯ್ಯೋ! ನಿಮ್ಮ ಶರೀರದ ಬಗ್ಗೆ ಕಾಳಜಿ ವಹಿಸಿ! ಇನ್ನೇನು ಎರಡು-ಮೂರು ದಿನಗಳಲ್ಲಿ ಹೋಗಬೇಕಾಗಿದೆ. ಮೊದಲು ನೀವು, ನಿಮ್ಮ ಗಂಟು ಕಟ್ಟಿಕೊಳ್ಳುವುದನ್ನು ನೋಡಿ. ನೀವು ಇಲ್ಲಿಂದ ತೆಗೆದುಕೊಂಡು ಹೋಗಬೇಕಾಗಿರೋ ಕಂಬಳಿಯನ್ನು ಸುತ್ತಿಕೊಳ್ಳಿ. ಆ ನಗೀನ್ ದಾಸ್ ಬಾರದೇ ಇದ್ದರೂ ಏನಾಗಬೇಕಾಗಿದೆ?
ಜ್ವರ ಬಂತು ಕೂಡಲೇ ಟಪ್!
ಮನೆಯಲ್ಲಿ ವಯಸ್ಸಾಗಿರುವ ಹಿರಿಯರಿಗೆ ಹುಷಾರಿಲ್ಲದೆ ಇರುವಾಗ, ನೀವು 'ಡಾಕ್ಟರ್'ರನ್ನು ಕರೆಸಿ, ಎಲ್ಲಾ ಬಗೆಯ ಔಷಧಿಗಳನ್ನು ಮಾಡಿಯು ಕೂಡಾ ಅವರು ಹೋಗಿಬಿಟ್ಟಾಗ, ಜೊತೆಯಲ್ಲಿ ಉಳಿದುಕೊಳ್ಳಲು ಮತ್ತು ಆಶ್ವಾಸನೆ ಕೊಡಲು ನೆಂಟರು ಬರುತ್ತಾರೆ. ಆಮೇಲೆ ಕೇಳುತ್ತಾರೆ, 'ಏನಾಗಿತ್ತು ಚಿಕ್ಕಪ್ಪನಿಗೆ?' ಆಗ ನೀವು ಹೇಳಲು ಪ್ರಾರಂಭಿಸುತ್ತೀರಿ, 'ಮೊದಲು ಮಲೇರಿಯ ಜ್ವರವೆಂದು ತಿಳಿದಿದ್ದೆವು; ಆದರೆ, ಡಾಕ್ಟರ್ ಹೇಳಿದರು, ಅದೇನಿಲ್ಲ ಸ್ವಲ್ಪ ಫೂ ತರಹದ ಜ್ವರ!' ಎಂದು. ಅಲ್ಲಿ ಬಂದವರು ಮತ್ತೆ ಕೇಳುತ್ತಾರೆ, 'ಯಾವ 'ಡಾಕ್ಟರ್'ರನ್ನು ಕರೆಸಲಾಗಿತ್ತು?' ಆಗ ನೀವು ಯಾರೋ ನಿಮ್ಮ 'ಡಾಕ್ಟರ್'ನ ಹೆಸರು ಹೇಳುತ್ತೀರಿ. ಅದಕ್ಕೆ ಅವರು ನಿಮಗೆ ಜೋರುಮಾಡುತ್ತಾರೆ, 'ನೀವು ಮತ್ತೊಬ್ಬರನ್ನು ಕರೆಸಬೇಕಿತ್ತು.' ಆಗ ಇನ್ನೊಬ್ಬರು ಬಂದು ನಿಮಗೆ ಗದರುತ್ತಾರೆ, 'ನೀವು ಹಾಗೆ ಮಾಡಬೇಕಿತ್ತು! ಏನು ತಲೆಯಿಲ್ಲದಂತೆ ಮಾತಾಡುತ್ತೀರಿ?' ಎಂದು. ಹೀಗೆ ಇಡೀ ದಿನ ಬಂದ ಜನರೆಲ್ಲಾ ಗೊಂದಲದ ಮೇಲೆ ಗೊಂದಲ ಉಂಟುಮಾಡುತ್ತಾರೆ! ಅದಲ್ಲದೆ, ಆ ಜನರು ನಿಮ್ಮ ತಲೆಯ ಮೇಲೆ ಕೂರುತ್ತಾರೆ; ನಿಮ್ಮ ಸರಳತೆಯ ಲಾಭವನ್ನು ಉಪಯೋಗಿಸಿಕೊಳ್ಳುತ್ತಾರೆ. ಆದುದರಿಂದ, ನಾನು ನಿಮಗೆ ತಿಳುವಳಿಕೆ ಕೊಡುವುದೇನೆಂದರೆ, ಈ ಜನರು ನಿಮ್ಮನ್ನು ವಿಚಾರಿಸಲು ಬಂದಾಗ, ನೀವು ಏನು ಹೇಳಬೇಕೆಂದರೆ, 'ಚಿಕ್ಕಪ್ಪನಿಗೆ ಸ್ವಲ್ಪ ಜ್ವರ ಬಂತು ಹಾಗೆಯೆ ಟಪ್ ಆಗಿಬಿಟ್ಟರು, ಮತ್ತೇನು ಆಗಿರಲಿಲ್ಲ. ಅವರುಗಳು ಕೇಳಿದಕ್ಕೆ ಹೀಗೆ ಉತ್ತರ ಕೊಟ್ಟುಬಿಡಿ. ನೀವು ತಿಳಿದಿರಬೇಕೇನೆಂದರೆ, ವಿವರವಾಗಿ ಹೇಳಲು ಹೋದರೆ ನಿರಾಶೆಗೆ ಒಳಪಡಬೇಕಾಗುತ್ತದೆ, ಅದಕ್ಕಿಂತ ರಾತ್ರಿ ಜ್ವರ ಬಂತು ಹಾಗು ಬೆಳಿಗ್ಗೆ ಟಪ್ ಆಗಿಬಿಟ್ಟರು ಎಂದು ಹೇಳಿಬಿಡಿ. ಆಮೇಲೆ ನೀವು ಹತಾಶೆಗೆ ಒಳಪಡಬೇಕಾಗಿಯೇ ಇಲ್ಲವಲ್ಲ!
