________________
ಮೃತ್ಯು ಸಮಯದಲ್ಲಿ
ರಿಟರ್ನ್ ಟಿಕೆಟ್!
ಪ್ರಶ್ಯಕರ್ತ: ಹಸು-ಎತ್ತುಗಳ ಅವತಾರವು ಈ ಮಧ್ಯದಲ್ಲಿ ಯಾಕೆ ಬಂತು?
ದಾದಾಶ್ರೀ ಅನಂತ ಅವತಾರಗಳಲ್ಲಿ ಬಳಲಿ ಬೆಂಡಾಗಿರುವುದಾಗಿದೆ, ಈ ಲೋಕದ ಜನರೆಲ್ಲಾ ಹಸುಗಳು-ಎಮ್ಮೆಗಳಿಂದಲೇ ಬಂದಿರುವುದಾಗಿದೆ. ಮತ್ತು ಇಲ್ಲಿಂದ ಹೋಗಬೇಕಾದರೆ, ಶೇಕಡಾ ಹದಿನೈದರಷ್ಟು ಜನಸಂಖ್ಯೆಯನ್ನು ಬಿಟ್ಟು ಉಳಿದವರೆಲ್ಲರೂ ಅಲ್ಲಿಗೆಯೇ ವಾಪಸು ಹೋಗುವ 'ಟಿಕೆಟ್' ಹೊಂದಿರುತ್ತಾರೆ. ಯಾರೆಲ್ಲಾ ಅಲ್ಲಿಯ 'ಹಿಂದಿರುಗಿ ಹೋಗುವ ಟಿಕೆಟ್.' ತೆಗೆದುಕೊಂಡು ಬಂದಿರುತ್ತಾರೆಂದರೆ, ಕಲಬೆರಿಕೆ ಮಾಡುವವರು, ತನಗೆ ಹಕ್ಕು ಇಲ್ಲದಿದ್ದರೂ ಕಸಿದುಕೊಳ್ಳುವವರು, ತನ್ನ ಹಕ್ಕು ಇಲ್ಲದಿದ್ದರೂ ಭೋಗಿಸುವವರು, ತನ್ನ ಹಕ್ಕು ಇಲ್ಲದಿರುವಲ್ಲಿ ಪ್ರವೇಶ ಮಾಡಿದರೆ ನಂತರ ಪ್ರಾಣಿಯ ಅವತಾರ ಬಂದೇ ಬರುತ್ತದೆ.
ಹಿಂದಿನ ಜನ್ಮದ ವಿಸ್ಮೃತಿ! ಪ್ರಶ್ಯಕರ್ತ: ನಮಗೆ ಹೋದ ಜನ್ಮದ ನೆನಪು ಯಾಕೆ ಇರುವುದಿಲ್ಲ? ಹಾಗೂ ನೆನಪು ಉಳಿದರೆ ಏನಾಗುತ್ತದೆ?
ದಾದಾಶ್ರೀ: ಅದು ಯಾರಿಗೆ ನೆನಪಿಗೆ ಬರುತ್ತದೆಂದರೆ, ಯಾರು ಮರಣದ ಸಮಯದಲ್ಲಿ ಸ್ವಲ್ಪವೂ ದುಃಖವಿಲ್ಲದೆ ಇರುತ್ತಾರೆ ಹಾಗೂ ಇಲ್ಲಿ ಒಳ್ಳೆಯ ಆಚಾರ-ವಿಚಾರಗಳನ್ನು ಹೊಂದಿರುತ್ತಾರೆ, ಅಂಥವರಿಗೆ ನೆನಪಿಗೆ ಬರುತ್ತದೆ. ಇದಕ್ಕೆ ಕಾರಣವೇನೆಂದರೆ, ತಾಯಿಯ ಗರ್ಭದಲ್ಲಿ ಇರುವಾಗ ಹೇಳಲು ಅಸಾಧ್ಯವಾದ ದುಃಖವಿರುತ್ತದೆ. ಆ ದುಃಖದ ಜೊತೆಗೆ ಮರಣದ ಸಮಯಲ್ಲಿ ಪಟ್ಟಂತಹ ತೀವ್ರವಾದ ಸಂಕಟ ಇವೆರಡೂ ಇರುತ್ತವೆ. ಇದರಿಂದಾಗಿ ನಂತರ ಪ್ರಜ್ಞೆ ಇಲ್ಲದಂತಾಗುತ್ತದೆ. ಹೀಗೆ ತೀವ್ರವಾದ ದುಃಖಗಳ ಕಾರಣದಿಂದಾಗಿ ನೆನಪು ಉಳಿಯುವುದಿಲ್ಲ.
ಅಂತಿಮ ಸಮಯದ ಗಂಟನ್ನು ಶೇಖರಿಸು...
ನಮಗೊಬ್ಬರು ಎಂಬತ್ತು ವರ್ಷದ ಚಿಕ್ಕಪ್ಪ ಇದ್ದರು. ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ನನಗೆ ಮೊದಲೇ ತಿಳಿದಿತ್ತು. ಇನ್ನು ಎರಡು-ಮೂರು ದಿನಗಳಲ್ಲಿ ಇಲ್ಲಿಂದ ಹೋಗುವವರಿದ್ದಾರೆ ಎಂದು. ಆದರೂ, ನನಗೆ ಅವರು ಕೇಳಿದರು, 'ಆ ಚಂದು ಭಾಯ್ ನನ್ನನ್ನು ನೋಡಲು ಬರಲೇ ಇಲ್ಲ. ಅದಕ್ಕೆ ನಾನು, 'ಚಂದು ಭಾಯ್, ಆಗಲೇ ಬಂದು ಹೋದರು' ಎಂದು ಹೇಳಿದೆ. ಮತ್ತೆ ಕೇಳಿದರು, 'ಆ ನಗೀನ್ ದಾಸ್ ಎಲ್ಲಿ?' ಎಂದು. ಹೀಗೆ ಹಾಸಿಗೆಯ ಮೇಲೆ
