________________
ಮೃತ್ಯು ಸಮಯದಲ್ಲಿ | ಇವೆಲ್ಲಾದರ ಫಲಿತಾಂಶದಿಂದ ಪ್ರಾಣಿಯ ಗತಿಯನ್ನು ಪಡೆಯಬೇಕಾಗುತ್ತದೆ. ಹಾಗು ಇಡೀ ಜೀವನ ಸಜ್ಜನರಾಗಿ ಬಾಳಿದ್ದರೆ, ಆಗ ಮನುಷ್ಯ-ಗತಿ ಹೊಂದುವುದಾಗಿದೆ. ಈ ನಾಲ್ಕು ಪ್ರಕಾರದ ಗತಿಗಳಲ್ಲಿ ಒಂದು ಗತಿಯು ಮರಣದ ನಂತರ ಬರುವುದು. ತನ್ನ ಸ್ವಾರ್ಥಕ್ಕೋಸ್ಕರ ಯಾರು ಇಡೀ ಊರನ್ನೇ ನಾಶಮಾಡಿರುವವರು ಇರುತ್ತಾರೆ, ಅಂಥವರಿಗೆ ಮತ್ತೆ ನರಕಗತಿ ಪ್ರಾಪ್ತಿಯಾಗುತ್ತದೆ. ಅಪಕಾರ ಮಾಡಿದರೂ ಸಹ ಉಪಕಾರ ಮಾಡುವವರು Super Human ಆಗಿರುತ್ತಾರೆ, ಅಂಥವರು ನಂತರ ದೇವಗತಿಯನ್ನು ಪಡೆಯುತ್ತಾರೆ.
ಯೋಗ ಉಪಯೋಗ, ಪರೋಪಕಾರಕ್ಕಾಗಿ!
ಮನಸ್ಸು-ವಾಣಿ-ವರ್ತನೆ ಹಾಗೂ ಆತ್ಮದ ಉಪಯೋಗವನ್ನು, ಲೋಕದ ಜನರ ಒಳಿತಿಗಾಗಿ ಬಳಸಬೇಕು. ಕೇವಲ ತನ್ನ ಸ್ವಾರ್ಥಕ್ಕಾಗಿ ಬಳಸಿದರೆ, ಆಗ ವೃಕ್ಷವಾಗಿ ಜನ್ಮತಾಳಬೇಕಾಗುತ್ತದೆ. ನಂತರ ಐದು ಸಾವಿರ ವರ್ಷಗಳವರೆಗೆ ಮರವಾಗಿ ಬಳಲಬೇಕಾಗುತ್ತದೆ ಮತ್ತು ಆ ಮರದ ಫಲವನ್ನು ಜನರು ತಿಂದು, ಮರವನ್ನು ಸೌದೆ ಮಾಡಿ ಸುಡುತ್ತಾರೆ. ಅದರ ನಂತರದ ಜೀವನದಲ್ಲಿ, ಲೋಕದ ಜನರು ಅಂಥವರನ್ನು ಖೈದಿಯ ರೀತಿಯಲ್ಲಿ ಕೆಲಸ ಮಾಡಿಸುತ್ತಾರೆ. ಅದ್ದರಿಂದಲೇ ಭಗವಾನರು ಹೇಳಿರುವುದು, 'ನಿನ್ನ ಮನಸ್ಸು - ವಾಣಿ-ವರ್ತನೆ ಹಾಗು ಆತ್ಮದ ಉಪಯೋಗವನ್ನು ಬೇರೆಯವರಿಗಾಗಿ ಬಳಸು. ಅದರ ನಂತರವೂ ನಿನಗೆ ಏನಾದರು ದುಃಖವು ಉಂಟಾದರೆ, ಆಗ ನನಗೆ ಬಂದು ಹೇಳು.'
ಬೇರೆಡೆಗೆ ಹೋಗುವುದಾದರೂ ಎಲ್ಲಿಗೆ?
ಪ್ರಶ್ಯಕರ್ತ: ದೇಹವನ್ನು ಬಿಟ್ಟು ಹೋದ ನಂತರ ಮತ್ತೆ ಬರುವುದು ಇದೆಯೇ?
ದಾದಾಶ್ರೀ: ಬೇರೆಲ್ಲಿಗೂ ಹೋಗುವಂತೆಯೇ ಇಲ್ಲ! ಇಲ್ಲಿಂದ ಇಲ್ಲೇ. ನಮ್ಮ ಅಕ್ಕಪಕ್ಕದಲ್ಲಿ ಯಾವ ಎತ್ತು-ಹಸು ಸಾಕುತ್ತಾರೆ, ಯಾವ ನಾಯಿ ಯಾವಾಗಲು ಜೊತೆಯಲ್ಲಿಯೇ ಇರುತ್ತದೆಯಲ್ಲ, ನಮ್ಮ ಕೈಯಿಂದಲೇ ತಿನ್ನುತ್ತಾ-ಕುಡಿಯುತ್ತಾ ಇರುತ್ತದೆ, ನಮ್ಮನ್ನೇ ನೋಡುತ್ತಿರುತ್ತದೆ, ನಮ್ಮನ್ನು ಗುರುತು ಹಿಡಿಯುತ್ತದೆ, ಅದೇ ನಮ್ಮ ಮಾಮ, ಚಿಕ್ಕಪ್ಪ ಅಥವಾ ಅತ್ತೆ; ಎಲ್ಲರೂ ಅವರುಗಳೇ ಇಲ್ಲೇ ಸುತ್ತಮುತ್ತಲು ಇರುತ್ತಾರೆ. ಆದುದರಿಂದ ಪ್ರಾಣಿಗಳಿಗೆ ಹಿಂಸೆ ಕೊಡಬೇಡಿ, ಒಳ್ಳೆಯ ರೀತಿಯಲ್ಲಿ ಊಟ ತಿಂಡಿಯನ್ನು ಕೊಡಿ. ಅವುಗಳೆಲ್ಲಾ ನಿಮ್ಮ ಹತ್ತಿರದವರೇ, ಹಾಗಾಗಿ ನಿಮಗೆ ಅಂಟಿಕೊಂಡೇ ಓಡಾಡುತ್ತವೆ; ಹೇಗೆ ಎತ್ತು ತನ್ನ ನಾಲಿಗೆಯಿಂದ ನಮ್ಮನ್ನು ನೆಕ್ಕುತ್ತದೆ!
