________________
ಮೃತ್ಯು ಸಮಯದಲ್ಲಿ ದಾದಾಶ್ರೀ: ಆತ್ಮವು ಮರಣ ಹೊಂದುವುದೇ ಇಲ್ಲ. ಆದರೆ ಎಲ್ಲಿಯವರೆಗೆ ನೀವು ಆತ್ಮಸ್ವರೂಪರಾಗಿಲ್ಲವೋ, ಅಲ್ಲಿಯವರೆಗೆ ನಿಮಗೆ ಭಯವು ಇದ್ದೇ ಇರುತ್ತದೆ. ಮರಣದ ಭಯವು ಇದ್ದೇ ಇದೆ ಅಲ್ಲವೇ? ಈ ದೇಹಕ್ಕೆ ಏನಾದರೂ ಸ್ವಲ್ಪ ನೋವಾದರೆ ಸಾಕು, 'ಹೊರಟು ಹೋಗುತ್ತೇನೆ, ಮರಣ ಹೊಂದಿಬಿಡುತ್ತೇನೆ' ಎನ್ನುವ ಭಯ ಪ್ರಾರಂಭವಾಗುತ್ತದೆ. ದೇಹ ದೃಷ್ಟಿಯೇ ಇಲ್ಲದೆ ಹೋದರೆ, ಆಗ ತಾನು ಮರಣ ಹೊಂದುವುದಿಲ್ಲ. ಆದರೆ ಇಲ್ಲಿ, 'ನಾನೇ ಅದು, ಅದುವೇ ನಾನು' ('ನನ್ನದೇ ದೇಹ, ದೇಹವೇ ನಾನು) ಎಂದು ನಿಮಗೆ ನೂರಕ್ಕೆ ನೂರು ಅಂಶ ನಂಬಿಕೆ ಉಳಿದುಬಿಟ್ಟಿದೆ. 'ನಿಮಗೆ, ನೀವು ಚಂದುಲಾಲ್, ಅವನೇ ನೀವು' ಎಂದು ಶೇಕಡಾ ನೂರರಷ್ಟು ಖಚಿತವಾಗಿದೆ ಅಲ್ಲವೇ?
ಯಮರಾಜನೋ ಅಥವಾ ನಿಯಮರಾಜನೋ?
ಈ ಹಿಂದೂಸ್ಥಾನದಲ್ಲಿರುವ ಎಲ್ಲಾ ಮೂಢನಂಬಿಕೆಗಳನ್ನು ತೆಗೆದು ಹಾಕಬೇಕು. ಇಡೀ ದೇಶದಲ್ಲಿನ ಬಡಪಾಯಿ ಜನರು ಈ ಮೂಢನಂಬಿಕೆಯಿಂದಾಗಿ ದಣಿದು ಹೋಗಿದ್ದಾರೆ. ಯಮರಾಜ ಎನ್ನುವವರು ಯಾರೂ ಇಲ್ಲವೆಂದು ನಾನು ಖಚಿತವಾಗಿ ಹೇಳುತ್ತೇನೆ. ಆದರೂ ಕೆಲವು ಜನರು ಕೇಳುತ್ತಾರೆ, 'ಏನು ನೀವು ಹೇಳುವುದು? ಯಾರಾದರೂ ಇರಬೇಕಲ್ಲವೇ?' ಎಂದು, ಆಗ ನಾನು ಹೇಳುತ್ತೇನೆ, 'ನಿಯಮರಾಜನು ಇದ್ದಾನೆ' ಅದನ್ನು ನಾನು ನೋಡಿ ಹೇಳುತ್ತಿರುವೆ. ನಾನು ಎಲ್ಲಿಯೋ ಓದಿದ್ದನ್ನು ಹೇಳುತ್ತಿಲ್ಲ. ಅದನ್ನು ನನ್ನ ಆಂತರಿಕ ದರ್ಶದಿಂದ ನೋಡಿದ್ದೇನೆ, ಈ ಹೊರಗಿನ ಕಣ್ಣಿನಿಂದಲ್ಲ. ನನ್ನದು ಯಾವ ಒಳ ದರ್ಶವಿದೆ ಅದರಿಂದ ನಾನು ನೋಡಿ ಈ ಎಲ್ಲವನ್ನು ಹೇಳುತ್ತಿದ್ದೇನೆ.
ಮೃತ್ಯುವಿನ ನಂತರ ಏನು?
ಪ್ರಶ್ಯಕರ್ತ: ಮರಣದ ನಂತರ ಯಾವ ಗತಿ ಬರುತ್ತದೆ?
ದಾದಾಶ್ರೀ: ಇಡೀ ಜೀವನದಲ್ಲಿ ಯಾವ ಕಾರ್ಯಗಳನ್ನು ಮಾಡಲಾಗಿದೆ, ಯಾವ ಧಂದೆಗಳನ್ನು ಮಾಡಲಾಗಿದೆ, ಅವೆಲ್ಲವುಗಳ ಲೆಕ್ಕಾಚಾರದ ಪಟ್ಟಿ ಮರಣದ ಸಮಯದಲ್ಲಿ ಬರುತ್ತದೆ. ಮರಣ ಕಾಲದ ಒಂದು ಗಂಟೆಯ ಮೊದಲು ಲೆಕ್ಕಾಚಾರದ ಪಟ್ಟಿ ಬರುತ್ತದೆ. ಈ ಮೊದಲು, ತನಗೆ ಹಕ್ಕಿಲ್ಲದಿದ್ದರೂ ಯಾವುದೆಲ್ಲವನ್ನು ಕಸಿದುಕೊಳ್ಳಲಾಗಿತ್ತು, ಮತ್ತೊಬ್ಬರ ಹಣವನ್ನು ಎಗರಿಸಲಾಗಿತ್ತು, ಸ್ತ್ರೀಯರಿಗೆ ಮೋಸಮಾಡಲಾಗಿತ್ತು. ಹೀಗೆ ತನ್ನದಲ್ಲದ್ದನ್ನು ಬಾಚಿಕೊಳ್ಳಲಾಗಿತ್ತು, ಬುದ್ದಿಯ ಚಾಣಾಕ್ಷದಿಂದ ಹೇಗೆಂದರೆ ಹಾಗೆ ಮೋಸಗೊಳಿಸಲಾಗಿತ್ತು
