________________
ಮೃತ್ಯು ಸಮಯದಲ್ಲಿ ಗಲಾಟೆಯನ್ನು ಮಾಡಿದರೆ ಪ್ರಯೋಜನವಿಲ್ಲ. ನಮ್ಮಿಂದಲೇ ಮಾಯೆಗೆ ಹೇಳಲಾಗಿದೆ, ಇದು ನಮ್ಮ ಲೆಕ್ಕಾಚಾರವೆಂದು!
ಜೀವನವು ಒಂದು ಜೈಲು!
ಪ್ರಶ್ಯಕರ್ತ: ನಿಮ್ಮ ಪ್ರಕಾರ ಜೀವನವೆಂದರೆ ಏನು?
ದಾದಾಶ್ರೀ: ನನ್ನ ಪ್ರಕಾರ ಜೀವನ ಅಂದರೆ, ಜೈಲು! ಅದರಲ್ಲಿ ನಾಲ್ಕು ಪ್ರಕಾರದ ಜೈಲುಗಳಿವೆ.
ಎಲ್ಲಾ ಸೌಕರ್ಯಗಳನ್ನು ಹೊಂದಿರುವ ಗೃಹಬಂಧನವು, ದೇವಲೋಕವಾಗಿದೆ. ಎರಡನೆಯದಾಗಿ, ಮನುಷ್ಯನ ಗತಿಯು ಸಾಧಾರಣವಾದ ಸೆರೆಮನೆ. ಮೂರನೆಯದಾಗಿ, ಪಶುವಿನ ಗತಿಯು ಬಹಳ ಶ್ರಮದಾಯಕ ಸೆರೆಮನೆ. ಇನ್ನು ಕೊನೆಯದಾಗಿ, ನರಕವು ಜೀವಾವಧಿಯ ಸೆರೆಮನೆಯಾಗಿದೆ.
ಹುಟ್ಟಿನಿಂದಲೇ ಪ್ರಾರಂಭ, ಕೊಡಲಿಯ ಪೆಟ್ಟು!
ಈ ಶರೀರವು ಕ್ಷಣ ಕ್ಷಣಕ್ಕೂ ಮರಣ ಹೊಂದುತ್ತಿದೆ, ಆದರೆ ಲೋಕದ ಜನರಿಗೆ ಇದರ ಬಗ್ಗೆ ಏನಾದರೂ ಅರಿವಿದೆಯೇ? ನಮ್ಮ ಜನರಂತು ಹೇಗೆಂದರೆ, ಯಾವಾಗ ಮರವು ಎರಡು ತುಂಡಾಗಿ ಕೆಳಗೆ ಬೀಳುತ್ತದೆಯೋ, ಆಗ ಹೇಳುತ್ತಾರೆ 'ತುಂಡಾಗಿ ಬಿದ್ದಿದೆ' ಎಂದು. ಅಯ್ಯೋ ಮೂಢ, ಅದಕ್ಕೆ ಪ್ರಾರಂಭದಿಂದ ಕೊಡಲಿಯ ಏಟು ಬೀಳುತ್ತಲೇ ಇದೆ.
ಮೃತ್ಯುವಿನ ಭಯ!
ಈ ಜಗತ್ತು ನಿರಂತರ ಭಯದಿಂದ ಕೂಡಿದೆ. ಒಂದು ಕ್ಷಣವೂ ನಿರ್ಭಯವಾಗಿ ಇರಲು ಸಾಧ್ಯವಾಗದಂತಹ ಜಗತ್ತು! ಹಾಗೂ ಎಷ್ಟು ನಿರ್ಭಯವೆಂದು ಅನ್ನಿಸುತ್ತದೆಯೋ, ಅಷ್ಟು ಮೂರ್ಛಯಲ್ಲಿರುವಂತಹ ಜೀವಿಗಳು. ಜನರು ಕಣ್ಣು ತೆರೆದುಕೊಂಡು ನಿದ್ದೆ ಮಾಡುತ್ತಿರುವುದರಿಂದ ಈ ಜಗತ್ತು ನಡೆಯುತಲಿದೆ.
ಪ್ರಶ್ಯಕರ್ತ: ಹೀಗೆಂದು ಕೇಳಿದ್ದೇನೆ, ಅದೇನೆಂದರೆ, ಆತ್ಮ ಮರಣ ಹೊಂದುವುದಿಲ್ಲ, ಜೀವವು ಮರಣ ಹೊಂದುತ್ತದೆ ಎಂದು.
