________________
ಮೃತ್ಯು ಸಮಯದಲ್ಲಿ ನಾನು ನನ್ನೊಡನೆ ಎನ್ನನ್ನು ತೆಗೆದುಕೊಂಡು ಹೋಗುವುದು?' ಎಂದು ಕೇಳಿದಾಗ, ಏನು ಹೇಳುತ್ತಾರೆ, 'ಈ ಲೋಕದ ಜನರೊಂದಿಗೆ ಕಟ್ಟಿ ಕೊಂಡಿರುವ ಕಲಹದ ಗಂಟನ್ನು ಮಾತ್ರ ತೆಗೆದುಕೊಂಡು ಹೋಗಬಹುದು' ಎಂದು ಹೇಳುತ್ತಾರೆ. ಹಾಗಾಗಿ ಈ ಹೆಸರಿನ ಮೇಲಿನ ಎಲ್ಲವೂ ಜಪ್ತಿಯಲ್ಲಿ ಹೋಗುತ್ತದೆ. ಆದುದರಿಂದ ನಮ್ಮ ಸ್ವಂತಕ್ಕಾಗಿ ಏನನ್ನಾದರೂ ಮಾಡಿಕೊಳ್ಳಬೇಕಲ್ಲವೇ? ಮಾಡಿಕೊಳ್ಳಬೇಕೋ, ಬೇಡವೋ?
ಕಟ್ಟು, ಪರಭವದ ಮೂಟೆ!
ನೀವು, ನಿಮ್ಮ ಹತ್ತಿರದ ಬಂಧುಗಳನ್ನು ಬಿಟ್ಟು ಹೊರಗಿನ ಲೋಕದ ಜನರಿಗೆ ಏನಾದರು ಸಹಾಯವನ್ನು ಮಾಡಿದ್ದರೆ, ಅದಕ್ಕಾಗಿ ಶ್ರಮ ಪಟ್ಟಿದ್ದರೆ, ಮತ್ತೆ ಇನ್ನಾವುದಾದರೂ ನೆರವು ನೀಡಿದ್ದರೆ, ಆಗ ಅದು 'ಮುಂದಿನ ಜನ್ಮಕ್ಕೆ ಬರುತ್ತದೆ. ಸಂಬಂಧಿಗಳಲ್ಲದ ಬೇರೆ ಹೊರಗಿನ ಜನರಿಗೆ ಔಷಧಿಗಾಗಿ ದಾನವನ್ನು ಮಾಡುವುದು, ಔಷಧಿಯ ದಾನವಾಗಿದೆ. ಹಾಗೆಯೇ ಆಹಾರ ದಾನವನ್ನು ಮಾಡಿರುವುದಾಗಲಿ, ವಿದ್ಯಾ ದಾನವನ್ನು ಮಾಡಿರುವುದಾಗಲಿ ಹಾಗೂ ಅಭಯ ದಾನವನ್ನು ನೀಡಿರುವುದು, ಈ ರೀತಿಯಲ್ಲಿ ಸಹಾಯವನ್ನು ಮಾಡಿರುವುದೇನಿದೆ, ಅವುಗಳು ಜೊತೆಯಲ್ಲಿ ಬರುವುದಾಗಿದೆ. ಇವುಗಳಲ್ಲಿ ಯಾವ ಸಹಾಯವನ್ನಾದರೂ ಮಾಡಿದ್ದೀರಾ, ಅಥವಾ ಎಲ್ಲವನ್ನು ಹಾಗೆ ನುಂಗಿಬಿಟ್ಟಿದ್ದೀರಾ?
ಜೊತೆಯಲ್ಲಿ ತೆಗೆದುಕೊಂಡು ಹೋಗುವುದೇನಾದರೂ ಇದ್ದಿದ್ದರೆ, ಮೂರು ಲಕ್ಷ ಸಾಲವನ್ನಾದರೂ ಮಾಡಿ ಕೊಂಡುಹೋಗುತ್ತಿದ್ದರು! ಆಗ ಅವರೇ ಧನ್ಯರು!! ಆದರೆ, ಈ ಜಗತ್ತೇ ಹಾಗಿದೆ; ಇಲ್ಲಿಂದ ಏನ್ನನ್ನೂ ತೆಗೆದುಕೊಂಡುಹೋಗುವ ಹಾಗಿಲ್ಲ, ಅದು ಒಳ್ಳೆಯದೇ ಆಗಿದೆಯಲ್ಲ!
ಮಾಯೆಯ ಕಲಾಕೃತಿ!
ಹುಟ್ಟು ಮಾಯೆಯಿಂದಾಗಿದೆ, ಲಗ್ನವು ಮಾಯೆಯಿಂದಾಗಿದೆ ಮತ್ತು ಮರಣವೂ ಕೂಡಾ ಮಾಯೆಯಿಂದಲೇ ಆಗಿದೆ. ಇಷ್ಟವಿರಲಿ ಅಥವಾ ಇಷ್ಟವಿಲ್ಲದಿರಲಿ, ಇವುಗಳಿಂದ ಬಿಡಿಸಿಕೊಳ್ಳಲು ಸಾಧ್ಯವಿಲ್ಲ. ಅಂತಹ ಎಷ್ಟೊಂದು ಷರತ್ತುಗಳನ್ನು ಈ ಜೀವನದಲ್ಲಿ ಹೊಂದಲಾಗಿದೆ. ಅದು ಕೇವಲ ಮಾಯೆಯ ಸಾಮ್ರಾಜ್ಯವಲ್ಲ, ಯಜಮಾನತ್ವವು ನಿಮ್ಮದು; ಹಾಗಾಗಿ ನಿಮ್ಮ ಇಚ್ಚೆಯ ಪ್ರಮಾಣದಂತೆಯೇ ನಡೆದಿರುತ್ತದೆ. ಹಿಂದಿನ ಜನ್ಮದಲ್ಲಿ ನಿಮ್ಮ ಇಚ್ಛೆ ಏನಿದೆಯೋ, ಅದರ ಲೆಕ್ಕಾಚಾರದ (Balance sheet) ಅನುಸಾರವಾಗಿ ಮಾಯೆಯು ನಡೆಸುತ್ತದೆ, ಆದ್ದರಿಂದ, ಈಗ
