________________
ಮತ್ತು ಸಮಯದಲಿ
ಸಜ್ಜನರ, ಅಂತಿಮ ಸಮಯದ ಸಂರಕ್ಷಣೆ !
ಪ್ರಶ್ನಕರ್ತ: ಯಾರಾದರು ಸಜ್ಜನರ ಅಂತಿಮಕಾಲ ಸಮೀಪವಾಗಿದ್ದು, ಆಗ ಅವರ ಅಕ್ಕಪಕ್ಕ ಇರುವ ಬಂಧು-ಬಳಗದವರ ವರ್ತನೆ ಹೇಗಿರಬೇಕು?
ದಾದಾಶ್ರೀ: ಯಾರ ಅಂತಿಮ ಸಮಯ ಹತ್ತಿರವಾಗುತ್ತಿದೆಯೋ, ಅಂಥವರನ್ನು ಹೆಚ್ಚಿನ ಮುತುವರ್ಜಿಯಿಂದ ನೋಡಿಕೊಳ್ಳಬೇಕು. ಅವರ ಪ್ರತಿಯೊಂದು ಮಾತುಗಳನ್ನು ಪಾಲಿಸಬೇಕು. ಅವರು ಒಂಟಿಯಾಗಿ ಮರಣಹೊಂದದ ಹಾಗೆ ನೋಡಿಕೊಳ್ಳಬೇಕು. ಎಲ್ಲರೂ ಅವರನ್ನು ಖುಷಿಯಲ್ಲಿ ಇಡಬೇಕು ಹಾಗೂ ಅವರು ಒರಟಾಗಿ ಮಾತನಾಡಿದರೂ ಸಹ ನೀವು ಒಪ್ಪಿಕೊಂಡು ಹೇಳಬೇಕು, 'ನಿಮ್ಮದೇ ಸರಿ!' ಎಂದು. ಅವರು ಹಾಲು ಕೇಳಿದರೆ ತಕ್ಷಣ ಹಾಲು ತಂದುಕೊಡಬೇಕು. ಆಗ ಅವರು 'ಇದು ನೀರು-ನೀರಾಗಿದೆ ಬೇರೆ ಹಾಲು ತಂದುಕೊಡು!' ಎಂದರೆ, ಕೂಡಲೇ ಬೇರೆ ಬಿಸಿ ಹಾಲು ತಂದುಕೊಟ್ಟು ಅವರಿಗೆ ಹೇಳಬೇಕು, 'ಇದು ಚೆನ್ನಾಗಿದೆಗಟ್ಟಿಯಿದೆ!' ಎಂದು. ಹೀಗೆ ಅವರಿಗೆ ಅನುಕೂಲವಾಗುವ ರೀತಿಯಲ್ಲಿ ನೋಡಿಕೊಳ್ಳಬೇಕು, ಅವರಿಗೆ ಇಷ್ಟವಾಗುವಂತೆ ಮಾತನಾಡಬೇಕು.
ಪ್ರಶ್ಯಕರ್ತ: ಅಂದರೆ, ಅವರ ಸರಿ-ತಪ್ಪುಗಳ ಬಗ್ಗೆ ವಿಮರ್ಶೆ ಮಾಡಲು ಹೋಗಬಾರದು ಅಲ್ಲವೇ?
ದಾದಾಶ್ರೀ: ಈ ಸರಿ-ತಪ್ಪು ಅನ್ನುವುದು ಜಗತ್ತಿನಲ್ಲಿ ಇಲ್ಲವೇ ಇಲ್ಲ. ಯಾರಿಗೆ ಏನು ಇಷ್ಟವಾಗುತ್ತದೆ, ಅದನ್ನು ಅವರ ರೀತಿಯಲ್ಲಿ ಮಾಡುತ್ತಾ ಹೋಗುತ್ತಾರೆ. ಹಾಗಾಗಿ ಅಲ್ಲಿ ಅವರಿಗೆ ಅನುಕೂಲವಾಗುವ ರೀತಿಯಲ್ಲಿ ನಡೆದುಕೊಂಡು ಬಿಡಬೇಕು. ಈ ಚಿಕ್ಕ ಮಕ್ಕಳೊಂದಿಗೆ ನಾವು ಯಾವ ರೀತಿಯಲ್ಲಿ ವರ್ತಿಸುತ್ತೇವೆ? ಚಿಕ್ಕ ಮಗು ಗಾಜಿನ ಲೋಟ ಒಡೆದು ಹಾಕಿದಾಗ ನಾವು ಮಗುವನ್ನು ಬೈಯುತ್ತೇವೆಯೇ? ಎರಡು ವರ್ಷದ ಮಗು, ಏನು ಹೇಳುವುದು, ಯಾಕೆ ಒಡೆದು ಹಾಕಿದೆ ಎಂದು ಕೇಳಲಾಗುತ್ತದೆಯೇ? ಹೇಗೆ ಮಗುವಿನ ಜೊತೆ ವರ್ತಿಸುತ್ತೇವೆ ಹಾಗೆ ಇವರೊಂದಿಗೆಯು ವರ್ತಿಸಬೇಕಾಗುತ್ತದೆ.
ಅಂತಿಮ ಕಾಲದಲ್ಲಿ ಧರ್ಮಧ್ಯಾನ!
ಪ್ರಶ್ಯಕರ್ತ: ಈ ಕೊನೆ ಘಳಿಗೆಯಲ್ಲಿ ಲಾಮಾಗಳು ಕೆಲವೊಂದು ಕ್ರಿಯೆಗಳನ್ನು ಮಾಡಿಸುತ್ತಾರೆ. ಯಾರು ಮರಣದ ಹಾಸಿಗೆಯನ್ನು ಹಿಡಿದಿರುವ ಮನುಷ್ಯರಿರುತ್ತಾರೆ, ಅಂಥವರಿಗೆ ಆ ಸಮಯದಲ್ಲಿ ಟಿಬೆಟಿಯನ್ ಲಾಮಾರಲ್ಲಿ ಹೀಗೊಂದು ವಾಡಿಕೆ ಇದೆ. ಅದೇನೆಂದರೆ, ಲಾಮಾರು ಮರಣಾವಸ್ಥೆಯಲ್ಲಿರುವ ಮನುಷ್ಯನ ಆತ್ಮಕ್ಕೆ ಹೇಳುತ್ತಾರೆ ಈ ರೀತಿಯಲ್ಲಿ ನೀನು ಹೋಗಬೇಕು
