________________
પિંડવિશુદ્ધિપ્રકરણ
सेसा विसोहिकोडी, तदवयवं जं जहिं जया पडियं । असढो पासइ तं चिय, तओ तया उद्धरे सम्मं ॥५५॥ तं चेव असंथरणे, संथरणे सव्वमवि विगिचंति । दुल्लहदव्वे असढा, तत्तियमेत्तं चिय चयंति ॥५६॥ भणिया उग्गमदोसा, संपइ उप्पायणाए ते वोच्छं । जेऽणज्जकज्जसज्जो, करेज्ज पिंडट्ठमवि ते य ॥५७॥ धाइ दूइनिमित्ते, आजीववणीमगे तिगिच्छा य । कोहे माणे माया, लोभे अ हवंति दस एए ॥५८॥ पुब्बि पच्छा संथव, विज्जामंते य चुन्नजोगे य । उप्पायणाए दोसा, सोलसमे मूलकम्मे य ॥५९॥ बालस्स खीरमज्जण-मंडणकीलावणंकधाइत्तं । करिय कराविय वा जं, लहइ जइ धाइपिंडो सो ॥६०॥ कहियमिहो संदेसं, पयर्ड छन्नं च सपरगामेसु । जं लहइ लिंगजीवी, स दूपिंडो अणहाफलो ॥६१॥ जो पिंडाइनिमित्तं, कहइ निमित्तं तिकालविसयं पि। लाभालाभसुहासुह-जीविअमरणाइ सो पावो ॥६२॥ जच्चाइधणाण पुरो, तग्गुणमप्पं पि कहिय जं लहइ । सो जाईकुलगणकम्म-सिप्पआजीवणापिंडो ॥३॥ माइभवा विप्पाइ व, जाइ उग्गाइ पिउभवं च कुलं । मल्लाइ गणो किसिमाइ, कम्म चित्ताइ सिप्पं तु ॥६४॥ पिंडट्ठा समणातिहि-माहणकिविणसुणगाइभत्ताणं । अप्पाणं तब्भत्तं, दंसइ जो सो वणिमो त्ति ॥६५॥
