________________
યતિશિક્ષાપંચાશિકા
११ विच्छिन्नविसयवंछो, देहविभूसाइवज्जिओ कइआ ।
परिजुन्नमयलवत्थो, सामन्नगुणे धरिस्सामि ? ॥१०॥ १५ परदूसणपरिमुक्को, अत्तुक्करिसम्मि विमुहपरिणामो ।
दसविहसामायारी-पालणनिरओ कया होहं? ॥१०१॥ सहमाणो य परीसह-सिन्नं नीउच्चमज्झिमकुलेसुं । लद्धावलद्धवित्ती, अन्नायउंछं गवेसिस्सं ? ॥१०२॥ रागद्दोसविउत्तो, संजोयणविरहिओ कया कज्जे । पन्नगबिलोवमाए, भुंजिस्सं सम्ममुवउत्तो ? ॥१०३॥ परपरिवायविरत्तो, समचित्तो सत्तुमित्तसत्तेसु । कइया विगहारहिओ, सज्झायपरो भविस्सामि ? ॥१०४॥ चउहा दिव्वाइकयं, हासपओसाइभेयपडिभिन्नं । उग्गउवसग्गवग्गं, अभग्गचित्तो सहिस्सामि ? ॥१०५॥ पाणपहाणपरंमि वि, परंमि परिभाविऊण परमत्थं ।
वावारिस्सं कइया, करुणाभरमंथरं दिढेि ? ॥१०६॥ २७ वाउ व्व अपडिबद्धो, कुम्मो इव गुत्तइंदिओ कइया ।
चंदु व्व सोमलेसो, सूरो इव दित्ततवतेओ ? ॥१०७॥ गयणं व निरूवलेवो, होहिं उयहि व्व कइय गंभीरो। वासीचंदणकप्पो, भारंडो इव गयपमाओ? ॥१०८॥
