________________
સંબોધપ્રકરણ સૂક્ત- રન-મંજૂષા
१33
१२९९ मायादंभे कुसलो, उक्कोडालुद्धचवलचलचित्तो ।
मेहुणतिव्वाभिरओ, अलियपलावी य नीलाए ॥६५॥ १३०० मूढो आरंभपिओ, पावं न गणेइ सव्वकज्जेसु ।
न गणेइ हाणिवुड्डी, कोहजुओ काउलेसाए ॥६६॥ १३०१ दक्खो संवरसीलो, रिजुभावो दाणसीलगुणजुत्तो ।
धम्ममि होइ बुद्धी, अरुसणो तेउलेसाए ॥६७॥ १३०२ सत्तणुकंपो य थिरो, दाणं खलु देइ सव्वजीवाणं ।
अइकुसलबुद्धिमंतो, धिइमंतो पम्हलेसाए ॥६८॥ १३०३ धम्ममि होइ बुद्धी, पावं वज्जेइ सव्वकज्जेसु ।
आरंभेसु न रज्जइ, अपक्खवाइ य सुक्काए ॥६९॥ १३२३ अमणुण्णाणं सद्दाइ-विसयवत्थुण दोसमइलस्स ।
धणियं विओगचिंतणं, असंपओगाणुसरणं च ॥७०॥ १३२४ तह सूलसीसरोगाइ-वेयणाए विओगपणिहाणं ।
तदसंपओगचिंतण, तप्पडियाराउलमणस्स ॥७१॥ १३२५ इट्ठाणं विसयाईण, वेयणाए य रागरत्तस्स ।
अवियोगज्झवसाण, तह संजोगाभिलासो य ॥७२॥ १३२६ देविंदचक्कवट्टित्तणाइ-गुणरिद्धिपत्थणमईयं ।
अहमं नियाणचिंतणं, अन्नाणाणुगयमच्चंतं ॥७३॥ १३२७ एयं चउव्विहं राग-दोसमोहंकियस्स जीवस्स ।
अट्ट ज्झाणं संसार-वद्धणं तिरियगइमूलं ॥७४॥ १३२८ मज्झत्थस्स उ मुणिणो, सकम्मपरिणामजणियमेयं ति ।
वत्थुस्सहावचिंतणपरस्स सम्मं सहतस्स ॥७५॥
