________________
પંચવસ્તુક સૂક્ત - રત્ન - મંજૂષા ९४४ ण य समइविगप्पेणं, जहा तहा कायमिणं फलं देइ ।
अवि आगमाणुवाया, रोगचिगिच्छाविहाणं व ॥३३॥ ५६८ उम्मायं व लभिज्जा, रोगायंक व पाउणे दीहं ।
केवलिपन्नत्ताओ, धम्माओ वा वि भंसिज्जा ॥३४॥ ५६९ लहुगुरुगुरुतरंमि अ, अविहिमि जहक्कम इमे णेया ।
उक्कोसगाविहीओ, उक्कोसो धम्मभंसो त्ति ॥३५॥ २९३ आवस्सियाए जस्स य, जोगो त्ति भणित्तु ते तओ णिति ।
निक्कारणे न कप्पइ, साहूणं वसहिनिग्गमणं ॥३६॥ २९५ जस्स य जोगो त्ति जइ, न भणंति न कप्पई तओ अन्नं ।
जोग्गं पि वत्थमाई, उवग्गहकरं पि गच्छस्स ॥३७॥ २९६ साहूण जओ कप्पो, मोत्तूणं आणपाणमाईणं ।
कप्पइ न किंचि काउं, घित्तुं वा गुरुअपुच्छाए ॥३८॥ ३४६ इच्छिज्ज न इच्छिज्ज व, तहवि अ पयओ निमंतए साहू ।
परिणामविसुद्धीए उ, निज्जरा होअऽगहिए वि ॥३९॥ ३५४ बायालीसेसणसंकडंमि, गहणंमि जीव ! न हु छलिओ ।
इण्हि जह न छलिज्जसि, भुंजंतो रागदोसेहिं ॥४०॥ ३५५ रागहोसविरहिआ, वणलेवाइउवमाइ भुंजंति ।
कड्डित्तु नमोक्कारं, विहीए गुरुणा अणुन्नाया ॥४१॥ ३५६ निद्धमहुराइ पुट्वि, पित्ताईपसमणठ्ठया भुंजे ।
बुद्धिबलवद्धणट्ठा, दुक्खं खु विगिचिउं निद्धं ॥४२॥ ३६१ असुरसरं अचबचबं, अहुअमविलंबिअं अपरिसाडिं ।
मणवयणकायगुत्तो, भुंजइ अह पक्खिवणसोही ॥४३॥
