________________
ઓઘનિર્યુક્તિ/ ઉત્તરાધ્યયનસૂત્ર
१०3
नि.४१३ एक्काणियस्स दोसा, इत्थी साणे तहेव पडिणीए ।
भिक्खविसोहि महव्वय, तम्हा सबितिज्जए गमणं ॥७५॥ नि.४४३ छक्कायदयावंतो वि, संजओ दुल्लहं कुणइ बोहिं ।
आहारे नीहारे, दुगुंछिए पिंडगहणे य ॥७६॥ नि.४४४ जे जहिं दुगुंछिया खलु, पव्वावणवसहिभत्तपाणेसु ।
जिणवयणे पडिकुट्ठा, वज्जेयव्वा पयत्तेण ॥७७॥ नि.४४७ पवयणमणपेहंतस्स, तस्स निद्धंधसस्स लुद्धस्स ।
बहुमोहस्स भगवया, संसारोऽणंतओ भणिओ ॥७८॥ नि.५२८ भरहेरवयविदेहे, पन्नरस वि कम्मभूमिगा साहू ।
एक्कंमि हीलियंमि, सव्वे ते हीलिया होति ॥७९॥ नि.५२९ भरहेरवयविदेहे, पन्नरस वि कम्मभूमिगा साहू ।
एक्कंमि पूइयंमी, सव्वे ते पूइया होंति ॥८०॥ नि.७९५ छत्तीसगुणसमन्नागएण, तेण वि अवस्स कायव्वा ।
परसक्खिया विसोही, सुट्ठ वि ववहारकुसलेणं ॥८१॥
~~ उत्तराध्ययनसूत्रम् ~~ ३/१ चत्तारि परमंगाणि, दुल्लहाणीह जंतूणो ।
माणुसत्तं सुइ सद्धा, संजमंमि य वीरियं ॥८२॥ १०/१ दुमपत्तए पंडुरए जहा, निवडइ राइगणाण अच्चए ।
एवं मणुआणं जीविअं, समयं गोयम ! मा पमायए ॥८३॥ ९/५८ सुवण्णरुप्पस्स उपव्वया भवे, सिया हु केलाससमा असंखया ।
नरस्स लुद्धस्स न तेहि किंचि, इच्छा हु आगाससमा अणंतिया ॥८४॥
