________________
૧૦૨
આવશ્યકનિર્યુક્તિઆદિ સૂક્ત- રત્ન - મંજૂષા
जन
नि.२७८ जोगे जोगे जिणसासणंमि, दुक्खक्खया पउंजते ।
एक्किक्कंमि अणंता, वढेता केवली जाया ॥६४॥ नि.२८० सेसेसु अवटुंतो, पडिलेहंतो वि देसमाराहे ।
जइ पुण सव्वाराहणं, इच्छसि तो णं निसामेहि ॥६५॥ नि.२८१ पंचिंदिएहिं गुत्तो, मणमाइतिविहकरणमाउत्तो ।
तवनियमसंजमंमि अ, जुत्तो आराहओ होइ ॥६६॥ नि.३२३ अव्वोच्छिन्ना तसा पाणा, पडिलेहा न सुज्झई ।
तम्हा हट्ठपहठ्ठस्स, अवटुंभो न कप्पई ॥६७॥ नि.३४९ उउबद्धधुवण बाउस, बंभविणासो अठाणठवणं च ।
संपाइमवाउवहो, पलवण आतोपघातो य ॥१८॥ नि.३५० अइभारचुडणपणए, सीयलपाउरण अजीरगेलन्ने ।
ओभावणकायवहो, वासासु अधोवणे दोसा ॥१९॥ नि.५४८ जह अब्भंगणलेवा, सगडक्खवणाण जुत्तिओ होति ।
इय संजमभरवहणट्ठयाए, साहूण आहारो ॥७०॥ नि.५५५ अतरंतबालवुड्डा, सेहाएसा गुरु असहुवग्गो ।
साहारणोग्गहा, ऽलद्धिकारणा मंडलि होइ ॥७१॥ नि.५६३ चित्तं बालाईणं गहाय, आपुच्छिऊण आयरियं ।
जमलजणणीसरिच्छो, निवेसई मंडलीथेरो ॥७२॥ नि.५८० हियाहारा मियाहारा, अप्पाहारा य जे नरा ।
न ते विज्जा तिगिच्छंति, अप्पाणं ते तिगिच्छगा ॥७३॥ भा.२९५ उग्गमदोसाइजढं, अहवा बीअं जहा जहिं गहिअं ।
इइ एसो गहणविहि, असुद्धपच्छायणे अविही ॥७४॥
