________________
१०४
આવશ્યકનિયુક્તિઆદિ સૂકત - રત્ન - મંજૂષા ८/१७ जहा लाहो तहा लोहो, लाहा लोहो पवड्डइ ।
दोमासकयं कज्जं, कोडिए वि न निट्ठियं ॥८५॥ १/४ जहा सूणी पूइकण्णी, निक्कसिज्जइ सव्वसो ।
एवं दुस्सीलपडिणीए, मुहरी निक्कसिज्जइ ॥८६॥ १/२ आणानिद्देसकरे, गुरुणमुववायकारए ।
इंगियागारसंपन्ने, सो विणीए त्ति वुच्चइ ॥८७॥ १/२१ आलवंते लवंते वा, न निसिज्जा कयाइ वि ।
चइऊण आसणं धीरो, जओ जत्तं पडिस्सुणे ॥४८॥ १/२२ आसणगओ न पुच्छेज्जा, नेव सेज्जागओ कयाइ वि ।
आगम्मुक्कुडुओ संतो, पुच्छेज्जा पंजलीउडो ॥८९॥ १/१९ नेव पल्हत्थियं कुज्जा, पक्खपिंडं व संजए ।
पाए पसारिए वा वि, न चिट्ठे गुरुणंतिए ॥१०॥ १/१२ मा गलिअस्सेव कसं, वयणमिच्छे पुणो पुणो ।
कसं व दट्ठमाइन्ने, पावगं परिवज्जए ॥११॥ १/३८ खड्डगा मे चवेडा मे, अक्कोसा य वहा य मे ।
कल्लाणमणुसासंतं, पावदिट्ठित्ति मन्नइ ॥१२॥ १/३९ पुत्तो मे भाइ णाइ त्ति, साहू कल्लाण मन्नइ ।
पावदिट्ठी उ अप्पाणं, सासं दासं व मन्नइ ॥१३॥ २/२८ दुक्करं खलु भो णिच्चं, अणगारस्स भिक्खुणो ।
सव्वं से जाइयं होइ, नत्थि किंचि अजाइयं ॥१४॥ २/२४ अक्कोसेज्ज परो भिक्खू, न तेसिं पडिसंजले ।
सरिसो होइ बालाणं, तम्हा भिक्खू न संजले ॥१५॥
