________________ અંતકૃદશાંગ સૂત્ર-૨ આઠમા શ્રી અંતકૃશાંગ આગમના પહેલા ત્રણ વર્ગની વાત ગતાંકમાં કરી.ચોથાવર્ગમાં જાલિ, માલિ, ઉવયાલિ, પુરુષસેન, વારિણ, પ્રદ્યુમ્ન, શાંબ, અનિરુદ્ધ, સત્યનેમિ અને દઢનેમિ નામના દશ રાજકુમારોનું વર્ણન વર્ગ પાંચમામાં શ્રીકૃષ્ણની પદ્માવતી નામની મહારાણીની વાત કરવામાં આવી છે. અહીં પ્રસંગોપાત્ત દ્વારિકાનગરીના નાશનો પ્રસંગ હૃદયદ્રાવક શબ્દોમાં આલેખાયો છે. જેમાં દ્વારિકાનગરીના નાશ સંબંધી પ્રશ્નના ઉત્તરમાં પરમાત્મા શ્રી નેમિનાથે કષ્ણ મહારાજાને દ્વારિકાના નાશના ત્રણ કારણ બતાવ્યાં. ૧-સુરા, ૨-અગ્નિ, ૩-દ્વિપાયન ઋષિનો કોપ. નિશ્ચિત ભવિતવ્યતાના પરિણામે એક દિવસ દ્વારિકાનો નાશ થયો. ત્રણ ખંડના અધિપતિ શ્રીકૃષ્ણ જંગલમાં જરાકુમારના બાણથી મર્યા, પૂર્વભવમાં કરેલા નિયાણાના પરિણામે વાલુકાપ્રભા નામની ત્રીજી નરકમાં ગયા. છતાં આ ભવમાં કરેલી આરાધનાના બળે આ ભરતક્ષેત્રની આવતી ઉત્સર્પિણીમાં “અમમ' નામના બારમા તીર્થંકર બનશે, આ વાતો વિસ્તારથી કરીને મહારાણી પદ્માવતીની દીક્ષાનો પ્રસંગ વર્ણવાયો છે. કૃષ્ણ મહારાજાની સત્યભામા, રુક્મિણી વગેરે બાકીની સાત રાણીઓ તથા શાંબકુમારની મૂલશ્રી અને મૂલદત્તા નામની બે રાણી પણ દીક્ષા લઈ મોક્ષ પામી. છઠ્ઠા વર્ગના સોળ અધ્યયનમાં મકાઈ, કિંકમ, મુદ્ગરપાણિ વગેરે સોળ મહાપુરુષોનાં જીવન વર્ણવાયાં છે. અત્તકૃશાંગ સૂત્ર-૨ / 65
