________________ મહાતીર્થ ઉપર મોક્ષ પ્રાપ્ત કર્યો હતો. ત્રીજા વર્ગનાં પ્રથમ અધ્યયનમાં અનીયસકુમારનું જીવન વિસ્તારથી વર્ણવાયું છે. જેઓ જિતશત્રુ રાજાની ભદિલપુર નગરીના નાગ નામના ગાથાપતિની પત્ની સુલતાના પુત્ર હતા. પરમાત્માશ્રી મહાવીરદેવના સમયમાં શ્રેણિક મહારાજાના રથચાલક નાગસારથી અને એની ધર્મપત્ની દૃઢસમ્યક્તધારિણી સુલસાથી આ બંને અલગ જાણવા. આ અધ્યયનમાં અનીયસકુમારનો સુકોમલ દેહ, તેનું બાલ્યાવસ્થામાં થયેલું લાલન-પાલન અને યુવાવસ્થામાં થયેલો તેમનો શાહી વિવાહોત્સવ વગેરે તત્કાલીન વ્યવહારિક જીવનની વાતો વિસ્તારથી બતાવવામાં આવી છે. ભોગ જીવનમાં ગળાડુબ બનેલા જીવો પણ નિમિત્ત પામી એકઝાટકે ભોગ જીવનનો ત્યાગ કરતા હતા. આ વાત અનીય કુમારના જીવનમાં ચરિતાર્થ થતી જોવા મળે છે. ગૃહસ્થાશ્રમના પ્રારંભિક તબક્કામાં જ પરમાત્મા શ્રી નેમિનાથની દેશના સાંભળી તેઓએ સંસારનો ત્યાગ કર્યો. ચૌદ પૂર્વધર બની વીશ વર્ષનો સંયમપર્યાય પાળી એક મહિનાની અંતિમ સંલેખના સાથે ગરવા ગિરિરાજશ્રી શત્રુંજય તીર્થે સિદ્ધિગતિને પામ્યા. અનંતસેન વગેરે બીજા છ શ્રેષ્ઠિ પુત્રો પણ અનીયસકુમારની જેમ આરાધના કરી સિદ્ધિગતિને પામ્યા, તે વાત પણ આ જ વર્ગના 2 થી 7 અધ્યયનમાં કરવામાં આવી છે. ત્યાર બાદ ત્રીજા વર્ગના આઠમાં અધ્યયનમાં ગજસુકુમાલ મુનિના જીવનને વિસ્તારથી વર્ણવવામાં આવ્યું છે. ગજસુકુમાલ, શ્રી કૃષ્ણ વાસુદેવના લઘુબંધુ હતા. રાજા વસુદેવ અને મહારાણી દેવકીના પુત્ર હતા. પરમાત્મા શ્રી અરિષ્ટનેમિની એકજ દેશનાના શ્રવણથી વૈરાગ્ય પામ્યા. માતા-પિતા અને વડીલ-બંધુ વાસુદેવ શ્રીકૃષ્ણની અનુમતિ મેળવી સંયમજીવનનો સ્વીકાર કર્યો. પહેલા જ દિવસે સ્મશાનમાં આવેલા ઉપસર્ગને સમભાવે સહન કર્યો. શરીર સાથે કર્મ બાળતાં અંતકૃત કેળવી બન્યા. 64 || આગમની ઓળખ
