Page Text
________________ ત્રીજા મુદ્ગરપાણિ અધ્યયનમાં અર્જુન-માળીનું દૃષ્ટાંત બહુ વિસ્તારથી છે. અર્જુનમાળી, રાજગૃહી નગરીના ગુણશીલક ઉદ્યાનનો માળી હતો. બધુમતી નામની પત્ની હતી. એકવાર છ દુષ્ટ પુરુષોએ અર્જુનને બાંધી તેની નજરો સમક્ષ બધુમતી સાથે અભદ્ર વ્યવહાર કર્યો. યક્ષના મંદિરમાં થતા આ અનાચારને જોઈને અર્જુન રોપાયમાન થયો, યક્ષ પ્રત્યે આક્રોશ કર્યો. યક્ષે અર્જુનના શરીરમાં પ્રવેશી બંધનો તોડયાં, મગર શસ્ત્રના સહારે બધુમતી સહિત તે છ પુરુષોનો વધ કર્યો. તે દિવસથી યક્ષથી અધિષ્ઠિત તે અર્જુનમાળી રોજ છ પુરુષ અને એક સ્ત્રીની હત્યા કરવા લાગ્યો. આ સિલસિલો પાંચ મહિના અને તેર દિવસ સુધી ચાલ્યો. જેમાં 978 પુરુષો અને ૧૯૩સ્ત્રીઓ એમ 1141 વ્યક્તિઓની હત્યા તેણે કરી. એકવાર પરમાત્મા મહાવીરની દેશના સાંભળવા શેઠ સુદર્શન તે માર્ગેથી પસાર થયા. તેમને મારવા અર્જુન માળી આવ્યો, પરંતુ સમ્યગ્દષ્ટિ સુદર્શનશેઠના તપ-જપ અને પુણ્યના તેજને યક્ષ સહન ન કરી શક્યો. અર્જુનના શરીરને છોડી તે યક્ષ ચાલ્યો ગયો. શેઠ સુદર્શનની પ્રેરણાથી અર્જુને પ્રભુવીરની દેશના સાંભળી. વૈરાગ્ય પ્રગટાવાથી દીક્ષિત બન્યો. પૂર્વપીડિત પ્રજાના આક્રોશને સમભાવે સહન કરી, છ મહિનાના અનશનના અંતે મોક્ષે ગયો. “આ જૈનશાસન ઘોર પાપીને પણ તારનારું છે' આ વાત શ્રદ્ધાસભર હૈયાને અહીં અનુભવવા મળે છે. આ જ છઠ્ઠા વર્ગના પંદરમા અધ્યયનમાં વિજય રાજા અને શ્રીદેવી રાણીના પુત્ર અતિ-મુક્ત રાજકુમારની કથા છે. બાલ્યવયમાં વિરક્ત બની, સંયમી બની, બાલ્યવયમાં કેવળજ્ઞાન પામનારા અઈમુત્તા મુનિ આજે પણ બાલદીક્ષા માટે આલંબનભૂત છે. ઉત્તરાર્ધના સાતમા અને આઠમા વર્ગમાં અનુક્રમે મહારાજા શ્રેણિકની તેર મહારાણી અને દશ રાણીઓની સાધના વર્ણવી છે. દરેકના જીવનમાં વૈરાગ્યપ્રાપ્તિ, સંયમ-જીવનનો સ્વીકાર, અનેકવિધ તપશ્ચર્યા અને કેવલજ્ઞાન પામી મોક્ષગમન વગેરે વાતો એકસરખી છે. દરેક રાણીએ કરેલા ઘોર તપનાં નામ - રત્નાવલી તપ, કનકાવલી તપ, લઘુ 66 આગમની ઓળખ
| SR No. | 032830 |
| Book Title | Agamni Olakh |
| Original Sutra Author | N/A |
| Author | Vijaykirtiyashsuri |
| Publisher | Sanmarg Prakashan |
| Publication Year | 2017 |
| Total Pages | 242 |
| Language | Gujarati |
| Classification | Book_Gujarati |
| File Size | 13 MB |