________________ જ્ઞાતાધર્મકથા સૂત્ર-૨ ગત લેખમાં આ આગમનાં પ્રથમ શ્રુતસ્કંધના છ અધ્યયનની વિચારણા કરી હતી. હવે આગળ વિચારીએ. ૭-રોહિણી અધ્યયનઃ આ અધ્યયનમાં સંસારનો ત્યાગ કરનારા ત્યાગી શ્રમણ ભગવંતોના સ્વરૂપને બતાવવાનો પ્રયાસ કરાયો છે. સંસાર ત્યાગી આત્માઓ મુખ્યતાએ ચાર પ્રકારના છે. જેમાં મહાવ્રતોની વિરાધના કરનાર અને મહાવ્રતોનો ઉપયોગ માત્ર જીવન નિર્વાહ માટે કરનાર સાધુઓ અનુક્રમે ઉઝિકા અને ભક્ષિકા કક્ષાના છે. તારનારા નિમિત્તને પામીને પણ તેઓ સંસારમાં ડૂબે છે. ત્રીજા નંબરે જે આત્માઓ મહાવ્રતોનું નિરતિચાર પાલન કરનારા છે, તે રક્ષિકા સમાન છે, વહેલી તકે તેઓ સંસારથી મુક્ત થાય છે. ચોથા નંબરે રોહિણી કક્ષાના સાધુઓ નિરતિચાર પાલનની સાથોસાથ તે મહાવ્રતોનું અનેક આત્માને દાન કરે છે. જેના પરિણામે આ વિશ્વમાં પૂજાપાત્ર બને છે, અને પરલોકમાં તીર્થકર બની મોક્ષ પામે છે. ૮-મલ્લી અધ્યયન : ઓગણીસમા તીર્થપતિ શ્રી મલ્લિનાથ પરમાત્માએ મહાબલ રાજાના ભવમાં માયાપૂર્વક તપ કર્યો. પોતાની સાથે જ સંસારનો ત્યાગ કરી સંયમ સ્વીકારનારા છ મિત્ર સાધકોથી અધિક તપ કરવાના ભાવથી માયા કરી. તેઓને અંધારામાં રાખી અધિક તપ કર્યો. તે તપથી તીર્થકર ચોક્કસ બન્યા, પણ કરેલી માયાના પરિણામે અવતાર 48 || આગમની ઓળખ
