________________ બનાવ્યું હતું. હમણાં તેમાંથી નવ અંગનું વિવરણ બુચ્છિન્ન થયું છે અને માત્ર બે અંગનું વિવરણ શેષ રહ્યું છે તો આપ પૂજ્ય સંઘના અનુગ્રહ માટે તે નવ અંગની વૃત્તિની રચના કરો !" દેવીને ઉદ્દેશીને સૂરિ ભગવંતે કહ્યું કે, “અલ્પમતિ એવા મારી આ વૃત્તિ રચનાની ક્ષમતા નથી. આ રચનામાં ક્યાંક ઉત્સુત્ર વચનો લખાય તો મહાપાપ લાગે. ઉત્સુત્ર વચનોનું ફળ યાવત્ અનંત સંસાર છે-એવું સિદ્ધાંતમાં બતાવેલું છે. તમારી વાત પણ સાચી છે. છતાં મારી આ મૂંઝવણ તમો પણ સમજી શકો છો.' દેવીએ કહ્યું, “આપ ચિંતા ન કરો ! આપને આ કાર્યમાં ક્યાંય પણ સંદિગ્ધ અવસ્થા ઊભી થાય તો મને યાદ કરજો. હું તારક તીર્થકર શ્રી સીમંધર પરમાત્માને પૂછીને સમાધાન મેળવી આપીશ.' આ વાતને ઝીલીને પૂ. આચાર્ય મહારાજે નવ-નવ અંગ આગમ ઉપર વિસ્તૃત ટીકા રચવાનું મહત્તમ કાર્ય કર્યું. જેમાં આચારાંગ અને સૂત્રકૃતાંગ સિવાય ક્રમશ ૧-સ્થાનાંગ, ૨-સમવાયાંગ, ૩-ભગવતી, ૪-જ્ઞાતાધર્મકથા, ૫-ઉપાસકદશાંગ, ૬-અંતકૃદશાંગ, ૭-અનુત્તરોપપાતિકદશાંગ, ૮-પ્રશ્ન વ્યાકરણ, ૯-વિપાક સૂત્ર એમ નવ આગમો હતાં. શ્રી ઔપપાતિક સૂત્ર અને શ્રી પ્રજ્ઞાપના સૂત્રના તૃતીય પદની સંગ્રહણી ગાથા-૧૩૩ પણ તેઓશ્રીની રચેલ છે. સમર્થ શાસ્ત્રકાર શિરોમણિ પૂ.આ.શ્રી. હરિભદ્રસૂરિજી મહારાજાના પંચાશક સૂત્ર ઉપર વૃત્તિ, સ્વગુરુ પૂ.આ.શ્રી. જિનેશ્વરસૂરિએ રચેલા શ્રી ષસ્થાનક ભાષ્ય ઉપર વૃત્તિ તથા આરાધનાકુલક નામના ગ્રંથની રચના પણ કરેલ છે. સ્વરચિત નવ આગમની વૃત્તિઓનું શુદ્ધિકરણ તેઓશ્રીએ નિવૃત્તિકુળના પૂ.આ.શ્રી. દ્રોણાચાર્યજી પાસે કરાવ્યું હતું. આ મહાપુરુષે અતિશય મહિમાવંત શ્રી “જયતિહુયણ' સ્તોત્રની રચના કરી છે. જેની સ્તવના દ્વારા વર્તમાનકાળમાં વિદ્યમાન શ્રી સ્થંભન તીર્થ 36 ! આગમની ઓળખ
