________________ (ખંભાત)ના શ્રી સ્થંભન પાર્શ્વનાથ પ્રભુની પ્રતિમા ભૂમિમાંથી પ્રગટ થઈ છે. નવ નવ અંગ આગમના મૂળસૂત્ર અને તેનાં યથાર્થ અર્થોને આપણાં સુધી પહોંચાડીને આ મહાપુરુષે અનેરો ઉપકાર કર્યો છે. વર્તમાનકાલીન સાધકો પણ આ વાત હૈયાથી સ્વીકારે છે કે જો આ મહાપુરુષ થયા ન હોત તો આજે આપણને આ આગમ ન મળ્યાં હોત અને કદાચું મૂળ આગમ મળ્યાં પણ હોત તો તે વાંચવા અને સમજવા માટે આપણે છતી આંખે ઘળા બની રહેત. તર્ક પંચાનન નવાંગી વૃત્તિકાર આ મહર્ષિએ પ્રસ્તુત શ્રી ભગવતી વ્યાખ્યા પ્રજ્ઞપ્તિ અંગ આગમની ટીકા વિ.સં. ૧૧૨૮માં અણહિલપુર પાટણમાં રચેલી છે. જે 18616 શ્લોક પ્રમાણ છે. તે ઉપરાંત 3114 શ્લોક પ્રમાણ ચૂર્ણિ પણ ઉપલબ્ધ છે. વર્તમાનકાળમાં અભ્યાસનું ધોરણ ઠીક ઠીક વધ્યું છે. સંપાદન-સંશોધનની દિશામાં પણ વિશેષ પ્રયત્ન જોવા મળે છે, છતાં આ ચૂર્ણિ હજુ વિશિષ્ટ શુદ્ધિ-સંપાદનની રાહ જોઈ રહી છે. આ આગમનું મૂળ 15751 શ્લોક પ્રમાણ છે. આજે મૂળ, વૃત્તિ આદિ મળી કુલ 57442 શ્લોક પ્રમાણ સાહિત્ય ઉપલબ્ધ છે. આ બ્રહવૃત્તિમાં આ આગમને જયકુંજર હાથીની ઉપમા આપી છે. જેમ જયકુંજર હાથી રૂ૫, બળ, લક્ષણ આદિ સર્વ ગુણોથી બીજા હાથીઓમાં શ્રેષ્ઠ છે, તેમ ભગવતીજી સૂત્ર શબ્દ માધુર્ય અને અર્થ ગાંભીર્યની સાથો સાથ યથાર્થતા અને ઉપકારકતાના કારણે અનેરો મહિમા ધરાવે છે. ઔદયુગીન વ્યાખ્યાન વાચસ્પતિ પૂ. આ. શ્રી. વિજય લબ્ધિસૂરીશ્વરજી મહારાજાએ ભગવતીસૂત્ર ઉપર વિશદ પ્રવચનો કરેલાં છે, એમાંના કેટલાક પુસ્તકાકારે છપાયેલાં પણ છે. એમાંનો એક આખો ભાગ જયકુંજર હાથીના વર્ણનમાં રોકાયેલો છે. નમસ્કાર મહામંત્રના પાંચ પદોથી મંગલ કરીને આ આગમનો પ્રારંભ કરવામાં આવ્યો છે. બ્રાહ્મી લિપિ તથા શ્રુતદેવતાને પણ નમસ્કાર કરવામાં ભગવતી સૂત્ર-૨ / 37
