________________ માન્યતાનો પૂર્વ પરિચય આપ્યા બાદ જ તેનું ખંડન કરેલ છે. જે કારણે આ આગમ મહત્ત્વપૂર્ણ સ્થાન પામેલું છે. મોક્ષમાર્ગની સાધના કરવા ઇચ્છતા જીવોને સમ્યગ્દર્શનની પ્રાપ્તિ અને શુદ્ધિનું કારણ પણ બને છે. ટીકાકાર મહર્ષિએ આ આગમને આ આગમમાં મિથ્યામતનિરસન અને સત્યતત્ત્વોનું પ્રકાશન હોવાથી દ્રવ્યાનુયોગની કોટિમાં મૂક્યું છે, જ્યારે ચૂર્ણિકાર મહર્ષિએ આ આગમમાં આચાર વિષયક સૂત્રોની પ્રચુરતા હોવાથી ચરણકરણાનુયોગની કોટિમાં મૂક્યું છે. આ આગમ ઉપર થયેલા પ્રવચનો સન્માર્ગ પ્રકાશન દ્વારા આગમજાણો’ ‘આતમ જાગો” અને “બંધન જાણો, બંધન તોડો' ના નામે પ્રકાશિત થયેલા છે. જે ત્રણ ભાગને શ્રીસૂયગડાંગ સૂત્રના સથવારે નામે પણ ઓળખવામાં આવે છે. પ્રસ્તુત આગમના બે શ્રુતસ્કંધ છે. પ્રથમ શ્રુતસ્કંધમાં સોળ અધ્યયન અને બીજા શ્રુતસ્કંધમાં સાત અધ્યયન છે. તે તમામ અધ્યયનોનાં નામ અને તેના વિષયનો સંક્ષિપ્ત પરિચય હવે પછીના લેખમાં જોઈશું. સૂત્રકૃતાંગ સૂત્ર-૧ || 15
