________________ સૂત્રકૃતાંગ સૂત્ર-૨ શ્રી સૂત્રકૃતાંગ સૂત્રના બે શ્રુતસ્કંધ છે. પહેલા શ્રુતસ્કંધનું નામ “ગાથાષોડશકે છે. જે પદ્યશૈલીમાં 16 અધ્યયનાત્મક છે. બીજા શ્રુતસ્કંધનાં 7 અધ્યયન છે, જેનું સ્વતંત્ર કોઈ નામ નથી. 23 અધ્યયનોનાં નામ અને વિષય ક્રમશ: નીચે મુજબ છે. 1. સમયઃ 4 ઉદ્દેશા અને 88 શ્લોક પ્રમાણ આ અધ્યયનમાં આત્માને જાગવાનો, બંધનને ઓળખવાનો અને બંધનોને તોડવાનો ઉપદેશ આપ્યો છે. તેમાં પરિગ્રહ, હિંસા, સ્વજન મમતા અને મિથ્યામતોની ઓળખ આપીને તે બધાં બંધનો અને મતોથી બચવાનું કહેવામાં આવ્યું છે. 2. વેતાલીય વૈતાલિક છંદમાં રચાયેલા ત્રણ ઉદ્દેશા અને 76 શ્લોક પ્રમાણ આ અધ્યયનમાં શ્રી ઋષભદેવ પરમાત્માએ અષ્ટાપદ ગિરિરાજ ઉપર 98 પુત્રોને આપેલો વૈરાગ્યસભર ઉપદેશ ગૂંથવામાં આવ્યો છે. 3. ઉપસર્ગપરિજ્ઞા : વિરક્ત આત્મા સંયમજીવનનો પ્રારંભ કરે ત્યારે તેની સામે અનુકૂળ અને પ્રતિકૂળ ઉપસર્ગ ઉપસ્થિત થાય. તે ઉપસર્ગોને સમતાપૂર્વક સહન કરી જીતવાની વાત 4 ઉદ્દેશા અને 82 શ્લોક દ્વારા કરેલ છે. 4. સ્ત્રી પરિજ્ઞા દરેક પરીષહમાં સ્ત્રીપરીષહ જીતવો અતિકઠિન છે, તે પરીષહ જીતવાથી થતા લાભો અને હારવાથી થતાં નુકશાનોનું 16 | આગમની ઓળખ
