________________ પ્રસ્તુત શ્રી સૂયગડાંગ સૂત્ર ઉપર ચૌદપૂર્વધર પૂ.આ.શ્રી ભદ્રબાહુસ્વામી મહારાજાએ 205 ગાથા પ્રમાણ નિયુક્તિ અને પૂ.આ.શ્રી શીલાંકાચાર્યજી મહારાજાએ 12850 શ્લોક પ્રમાણ બૃહવૃત્તિની રચના કરેલ છે. આ જ આગમની 9900 શ્લોક પ્રમાણ ચૂર્ણિ પણ ઉપલબ્ધ છે. તેનાં કર્તા તરીકે પૂ. શ્રી જિનદાસગણિમહત્તરની ધારણા કરવામાં આવે છે. તે ઉપરાંત પૂ.આ.શ્રી. ભુવનસોમસૂરિ મ.ના શિષ્ય ઉપાધ્યાયશ્રી સાધુરંગ મહારાજે વિ.સં. ૧૫૯૯માં અને પૂ.આ.શ્રી હેમવિમલસૂરિના શિષ્ય પૂ. હર્ષકુલગણિએ વિ.સં. ૧૫૮૩માં સંસ્કૃત ટીકાઓની રચના કરેલ છે. આજે આ આગમ સંબંધી 41750 શ્લોક પ્રમાણ સાહિત્ય ઉપલબ્ધ છે. નિર્યુક્તિકાર પૂ.આ.શ્રી ભદ્રબાહુ સ્વામીજીએ આ આગમનાં અર્થસભર ત્રણ નામ આપ્યાં છે. ૧-સૂતકૃતઃ પ્રભુવીરના શ્રીમુખે સૂત-ઉત્પન્ન થયેલાં વચનોને સાંભળીને કૃત-કરાયેલું આ આગમ, ૨-સૂત્રકૃતઃ સૂત્રાત્મક શૈલીએ તત્ત્વોનો બોધ કરાવતુ આ આગમ, ૩-સૂચાકૃતઃ સ્વદર્શન અને પરદર્શનની સૂચના કરાયેલી છે જેમાં, એવું આ આગમ છે. આ ત્રણેય અર્થમાં ઊંડાણથી વિચારીએ તો પહેલાં બે નામ અન્ય આગમોને પણ લાગુ પડે તેવાં છે; જ્યારે ત્રીજું નામ આ આગમ માટે વધુ નજીકનો પરિચય આપનાર બને છે. આ આગમમાં મુખ્યતાએ પરિગ્રહ-૧, હિંસા-૨, મમત્વ-૩ અને મિથ્યામતોની માન્યતા-મિથ્યાત્વ-૪ એમ કુલ ચાર પ્રકારનાં બંધનોની વાત કરીને એનો વિસ્તાર કરતાં આજથી 2500 વર્ષ પ્રાચીનકાળમાં આચારભિન્નતા અને તત્ત્વભિન્નતાના કારણે સર્જાયેલા વિવિધ મતોનો પરિચય જોવા મળે છે. તે મતોમાં રહેલી એક-એક મિથ્યાવાતોનો ઉલ્લેખ કરીને સર્વજ્ઞ, સર્વદર્શી, વીતરાગ એવા પ્રભુ મહાવીરે સ્વયં તેનું ખંડન કર્યું છે, પ્રતિપક્ષી સત્ય સિદ્ધાંતોનું સ્થાપન પણ કર્યું છે. મિથ્યામતો અને તેની 14 | આગમની ઓળખ
