________________ પર્યુષણાદશા છે, જે શ્વેતાંબર સંઘમાં સર્વમાન્ય છે. નવમી દશાનું નામ મોહનીયસ્થાન છે. જેના 30 સ્થાનો છે. જાણતાં કે અજાણતાં સેવાયેલાં આ સ્થાનો મોહનીય કર્મનો બંધ કરાવનારાં છે. સાધુ-સાધ્વી સર્વથા તેનો ત્યાગ કરે. દશમી દશા આયતિસ્થાન. અહીં શ્રમણ ભગવાન શ્રી મહાવીર પરમાત્માના સમવસરણમાં બનેલી ઘટનાનું વર્ણન છે. ચતુરંગી સેનાથી પરિવરેલા મહારાજા શ્રેણિક મહારાણી ચેલ્લણાને લઈને પ્રભુની દેશના સાંભળવા આવ્યા. તેઓની ઋદ્ધિ-સમૃદ્ધિ જોઈને ઘણા શ્રમણ અને શ્રમણી ભગવંતો મોહવશ નિયાણામાં ખેંચાણા. પરમાત્માએ હિતશિક્ષા આપતાં નવવિધ નિયાણાના અનર્થનું વર્ણન કર્યું.નિયાણું કરનાર ભવિષ્યમાં અવશ્ય દુ:ખી થાય છે. પ્રભુની હિતશિક્ષા સાંભળી તે શ્રમણો અને શ્રમણીઓ શુભસ્થાનમાં પાછાં ફર્યા શુભભાવે પ્રાયશ્ચિત્ત કરી નિર્મળ બન્યાં. આ ઘટના સ્પષ્ટ શબ્દોમાં ધર્મના ફળ તરીકે ભૌતિક જગતની માગણીનો નિષેધ કરે છે. શાંત ચિત્તે એકવાર આ અધ્યયન વાંચનાર ને “ધર્મ મોક્ષ મેળવવા માટે જ કરવાનો, તો શું સંસારના સુખ મેળવવા માટે અધર્મ કરવાનો ?" આવા કુતર્કો પીડી શકતા નથી. શ્રી દશાશ્રુતસ્કંઘની વાણીના અંશો * आयार-गुत्तीसुद्धप्पा, धम्मे सिञ्चा अणुत्तरे / ततो वमेसए दोसे, विसमासीविसो जहा / / આચાર-ગુપ્તિથી શુદ્ધાત્મા, અનુત્તર ધર્મમાં સ્થિર એવા સાધુ આસીવિષ સર્પ જેમ ઝેર છોડે તેમ દોષને છોડે છે. * सुचत्तदोसे सुद्धप्पा, धम्मट्ठी विदितायरे / इहेव लभते कित्तिं, पेचा य सुगति वरं / / દોષોનો ત્યાગ કરનાર શુદ્ધ આત્મા, ધર્માર્થી અને આચારને જાણનાર સાધુ અહીં કીર્તિ અને પરલોકમાં સુગતિને પામે છે. 158aa આગમની ઓળખ
