________________ માસમાં ત્રણવાર માયાસ્થાન સેવવાં, શય્યાતરના અશનાદિ લેવા. 33 આશાતના નામે ત્રીજી દશા. સમ્યગ્દર્શનાદિ ગુણોની પ્રાપ્તિ સ્વરૂપ આય. તેની શાતના એટલે ખંડના. તેનું નામ આશાતના. જ્ઞાનાદિ ગુણો જેની પાસેથી મેળવવાના છે તેવા સદ્ગુરુ સંબંધી 33 આશાતના હોય છે. ગુરુનું વચન ન સાંભળે, પ્રત્યુત્તર ન આપે, તેઓની સામે તોછડાઈભર્યું વર્તન કરે. ગુરુની ધર્મકથામાં દુર્ભાવ, ઉપેક્ષા કરે. આ આશાતના આત્મકલ્યાણની ભૂમિકાને બાળી નાખે છે. ચોથી ગણિસંપદા દશા. પૂર્વોક્ત ત્રણ દશાના દોષોનો ત્યાગ કરનાર સાધક યોગ્યતા સંપન્ન બને છે. પરિણામે આઠ પ્રકારની ગણિસંપદાને પામે છે. આચાર, સૂત્ર, શરીર, વચન, વાચના, મતિ, પ્રયોગ અને સંગ્રહપરિજ્ઞા આ આઠ સંપદા આચાર્ય ભગવંતોને હોય છે. જેના સહારે તેઓ ગચ્છનો યોગ-ક્ષેમ કરે છે. ચિત્તસમાધિ એ પાંચમી દશા. પાંચસમિતિ અને ત્રણગુપ્તિના પાલનથી, નિર્મળ બ્રહ્મચર્યથી અને શુભધ્યાનના પરિણામે આત્માર્થી શ્રમણોને સમાધિ પ્રાપ્ત થાય છે. ચિત્તની તે સમાધિ દ્વારા જાતિસ્મરણ, સ્વપ્નદર્શન, દેવદર્શન, અવધિજ્ઞાન, મન:પર્યવજ્ઞાન અને કેવળજ્ઞાન આદિ દશ સ્થાન પ્રાપ્ત થાય છે. ઉપાસક પ્રતિમા છઠ્ઠી દશા. ઉપાસક એટલે શ્રાવક. પ્રતિમા એટલે વિશિષ્ટ પ્રતિજ્ઞા. સમ્યગ્દર્શન, વ્રત, સામાયિક આદિ અગ્યાર પ્રતિમા વહન કરનાર શ્રાવક સંસાર સાગર તરે છે. સાતમી દશા ભિક્ષુપ્રતિમા. સંસારત્યાગી શ્રમણને બાર પ્રતિમા હોય છે. 28 મહિના, 22 દિવસ અને એક રાત્રિ એમ બાર પ્રતિમાનો કાળખંડ હોય છે. જેનું પાલન કરનાર સાધુ જિનાજ્ઞાનો આરાધક છે. અવધિજ્ઞાન આદિ પ્રત્યક્ષજ્ઞાનનો અધિકારી બને છે. આઠમી પર્યુષણા નામની દશા. છેદસૂત્રમાં આઠમી દશાનું વિશેષ વર્ણન નથી, પરંતુ વર્તમાનમાં પ્રસિદ્ધ કલ્પસૂત્ર એ જ આઠમી દશાશ્રુતસ્કંધ સૂત્ર | 157
