Page Text
________________ આભિયોગિક દેવો દ્વારા નિર્મિત 50,000 ભદ્દાસનોવાળા તે વિરાટ વિમાનની અત્યંતર સંરચના અદ્ભુત હતી. વિધિવત્ પ્રભુની દેશનાનું શ્રવણ કરીને તે સૂર્યાભદેવે પ્રભુને પૂછ્યું - ભગવંત! હું ભવી કે અભવી?, સમ્યગ્દષ્ટિ કે મિથ્યાષ્ટિ ?, અનંત સંસારી કે અલ્પ સંસારી ?, સુલભબોધિ કે દુર્લભબોધિ ?, આરાધક કે વિરાધક ? ચરમશરીરી કે અચરમશરીરી ? કરુણા નિધાન પરમાત્માએ કહ્યું, હે સૂર્યાભ ! તું ભવી, સમ્યગ્દષ્ટિ, અલ્પ સંસારી, સુલભબોધિ, આરાધક છે. તું મનુષ્યનો અંતિમ ભવ કરી મોક્ષે જનારો છે. આ સાંભળી હર્ષાન્વિત, રોમાંચિત, આનંદિત થયેલા સૂર્યાભદેવે પ્રભુ પાસે અનુમતિ માગી કે, મારે શ્રીગૌતમસ્વામી આદિ મુનિવરો સમક્ષ સંગીત-નૃત્ય સહિતનાં નાટક કરવાં છે, આપ અનુમતિ આપો. પ્રભુ મૌન રહ્યા. મૌન સંમતિ સમજી તે સૂર્યાભદેવે સંગીત-નૃત્યની વિવિધતા સભર 32 નાટકો કર્યા. અંતિમ નાટકમાં તો પ્રભુ મહાવીરના વનકલ્યાણકથી લઈને પાંચમા નિર્વાણ કલ્યાણ સુધીની ઘટનાઓ તાદશ ખડી કરી. ગાન, સંગીત, નૃત્ય અને નાટ્ય દ્વારા પ્રભુની ભક્તિ કરીને સૂર્યાભદેવ પોતાના દેવલોકમાં ગયો. તે પછી શાસનશિરતાજ શ્રીગૌતમ મહારાજાએ તેનો પરિચય પ્રભુને પૂછડ્યો. તેના ઉત્તરમાં પ્રભુએ કહ્યું કે, સૌધર્મ દેવલોકના સૌધર્માવલંસક નામના મુખ્ય વિમાનની પૂર્વદિશામાં આવેલા સૂર્યાભ વિમાનમાં તે દેવ રહે છે. તે વિમાનના વનખંડો, જલાશય, ક્રીડાસ્થળો, પ્રાસાદો, પદ્મવર વેદિકા, સુધર્મા સભા, વિજય અખાડા, ચૈત્યવૃક્ષ, જિનપ્રતિમા, શ્રીજિનેશ્વરની દાઢાઓ, શસ્ત્રભંડાર, સિદ્ધાયતન, 108 જિનપ્રતિમા, યક્ષપ્રતિમા, 108 ઘંટ, ઉપપાતસભા, અભિષેકસભા, અલંકારસભા, વ્યવસાયસભા, પુસ્તકો તથા તેનાં પાન, શાહી અને અક્ષરોનું અહીં વર્ણન કરાયેલું છે. સૂર્યાભદેવે જિનપ્રતિમાઓની પૂજા કરી, તે ઉલ્લેખ અહીં સ્પષ્ટ શબ્દોમાં છે. સૂર્યાભદેવે આવી ઉત્તમ દેવતાઈ ઋદ્ધિ-સુખ શાથી મેળવ્યું ? શ્રીગૌતમ મહારાજાના આ પ્રશ્નના જવાબમાં પ્રભુએ તેના પૂર્વના ભવની અર્થાત્ રાજપ્રસ્તીય સૂત્ર [ 89
| SR No. | 032830 |
| Book Title | Agamni Olakh |
| Original Sutra Author | N/A |
| Author | Vijaykirtiyashsuri |
| Publisher | Sanmarg Prakashan |
| Publication Year | 2017 |
| Total Pages | 242 |
| Language | Gujarati |
| Classification | Book_Gujarati |
| File Size | 13 MB |