________________ પ્રદેશી રાજાની હકીકત સંભળાવી. રાજા પ્રદેશ અધર્મી અને નાસ્તિક હતો. પ્રભુ પાર્શ્વનાથની શિષ્ય પરંપરામાં થયેલા શ્રીકેશી ગણધર જ્યારે તેની નગરીમાં પધાર્યા ત્યારે રાજવીને શરૂમાં તો અરુચિ થઈ. પરંતુ વાતચીતમાં આગળ વધતાં શ્રીકેશી ગણધરના જ્ઞાનથી તે અભિભૂત થયો. આજ સુધી તે નાસ્તિકતાના સંસ્કારોથી ભાવિત હતો. પરિણામે આત્મા સંબંધી પ્રશ્નો પૂછતાં દરેક પ્રશ્નના યુક્તિયુક્ત ઉત્તરો શ્રી કેશી સ્વામિ પાસેથી મળ્યા. શ્રદ્ધા પ્રગટી,ધર્મ સાંભળ્યો અને જૈન ધર્મનું શ્રાવકજીવન સ્વીકાર્યું. રાજ્યનિસ્પૃહતા, ભોગવિરક્તિ અને શરીર નિર્લેપતાપૂર્વક બાર વ્રતનું પાલન શરૂ કર્યુ. ભોગાસકૃત રાણી સૂર્યકાંતા અકળાઈ. ઝરમિશ્રિત ભોજન કરાવી રાજા પ્રદેશીનો ઘાત કર્યો. મરતાં પૂર્વે ઝેર પ્રયોગનું પાણીનું કાવતરું જાણવા છતાં દ્વેષ ન કરતાં, સમતાભાવે સમાધિપૂર્વક અંતિમ આરાધના કરી. પરિણામે ચાર પલ્યોપમના આયુષ્યવાળો દેવભવ,દેવઋદ્ધિ પ્રાપ્ત થઈ છે. આગળ વધીને પ્રભુએ સૂર્યાભદેવના આગામી ભવનું વર્ણન કર્યું. તે સૂર્યાભદેવ મહાવિદેહ ક્ષેત્રમાં દઢપ્રતિજ્ઞ રાજપુત્ર તરીકે જન્મ પામશે. તેનો 72 કળાનો અભ્યાસ, ભાષા વિશારદપણું, ભોગસમર્થતા છતાં અનાસક્ત ભાવે સંસારનો ત્યાગ, કર્મક્ષય અને મોક્ષગમન વગેરે વાતો આગમના અંતમાં સ્પષ્ટ શબ્દોમાં વર્ણવાયેલી છે. આ આગમ નાસ્તિકને આસ્તિક બનાવવાની તથા મિથ્યાગ્રહીને નિરુત્તર બનાવવાની અદ્ભુત ચાવી છે. ઉપદેશક મહાત્માઓ માટે પથદર્શક છે. 90 || આગમની ઓળખ
