________________ રાજપ્રશ્નીય સૂત્ર શ્રીરાજપ્રશ્નીયસૂત્ર બીજું ઉપાંગ સૂત્ર છે. જે સૂત્રકૃતાંગ સૂત્ર સંબંધિત છે. શ્રીસૂત્રકૃતાંગસૂત્રના અક્રિયાવાદી પાખંડીના ભેદને આશ્રયીને અહીં રાજા પ્રદેશી અને શ્રીકેશી ગણધરનો પ્રશ્નોત્તર વર્ણવાયો છે. તેથી બીજા અંગનું ઉપાંગ માનવામાં આવ્યું છે. 85 સૂત્રોમાં વર્ણવાયેલું આ આગમ 2120 શ્લોક પ્રમાણ છે. પૂ. આ. શ્રી મલયગિરિજી મહારાજાએ આ આગમ ઉપર 3700 શ્લોક પ્રમાણ ટીકા બનાવી છે. જે બહુ સરળ અને સ્પષ્ટ સમજાય તેવી છે. ટીકાકારશ્રી આ આગમના નામ અંગે જણાવે છે કે પ્રદેશ રાજાના પ્રશ્નોનો અધિકાર હોવાથી “રાજપ્રશ્નીયનામ છે. આ આગમમાં સૂર્યાભદેવનો વર્તમાનભવ, રાજા પ્રદેશ તરીકેનો પૂર્વભવ અને હવે પછીનો રાજપુત્ર દઢપ્રતિજ્ઞ તરીકેનો ભવ; આ ત્રણેય ભવો વર્ણવાયાં છે. વર્તમાન અવસર્પિણીના ચોથા આરાના ઉત્તરવર્તીકાળમાં વિદ્યમાન આમલકપ્પા નગરીના વર્ણનથી આ આગમની શરૂઆત થઈ છે. રાજા શ્વેત અને રાણી ધારિણીની તે નગરીમાં એકવાર પ્રભુ મહાવીર સમોવસર્યા. નર-નારી સાથે નરેન્દ્રો આવ્યાં ને દેવ-દેવીઓ સાથે દેવેન્દ્રો આવ્યા. અવધિજ્ઞાનથી જંબુદ્વીપનું અવલોકન કરતાં પ્રભુ મહાવીરનું દર્શન થવાથી મહાસમૃદ્ધિ સંપન્ન સૂર્યાભદેવ પણ દેવવિમાન દ્વારા આવ્યો. 88 આગમની ઓળખ
