________________ અનેક લોકોએ ઘૂંકી ઘૂંકી જે પથ્થરને લાલચોળ કરી મૂક્યો હતો, તે પાનના ગલ્લાની બાજુનો જ પથ્થર એક શિલ્પીની નજરે ચડ્યો. કોણ જાણે એ પથ્થરમાં એને શું દેખાયું કે એણે પાનના ગલ્લાવાળા પાસેથી એ પથ્થર માંગી લીધો. થોડા દિવસો બાદ પાનના ગલ્લાની બાજુમાં જ એક પથ્થરની હરાજી થઈ અને 5400 ડોલરના આસમાની ભાવે તેનું વેચાણ થયું. આ સમાચાર પાનના ગલ્લાવાળાને પણ મળ્યા. એણે બીજે દિવસે એ શિલ્પીને કહ્યું - “તમે ગજબ શિલ્પી છો ! આટઆટલી ઉચ્ચ કૃતિઓ બનાવી શકો છો !" શિલ્પીએ કીધું - અરે દોસ્ત ! તારા કારણે તો આટલા ડોલર મળ્યા.” “મારા કારણે ?" હાસ્તો ! તે જે પથ્થર આપ્યો તેના તો આટલા ડોલર મળ્યા!” “હું! એવું તો તમે એમાં શું નાંખી દીધું કે એના આટલા ડોલર ઉપજ્યા?” શિલ્પીએ કીધું - “એ પથ્થરમાં મેં તો કશું પણ ઉમેરવાનું કામ નથી કર્યું. ફક્ત એના જે જે ખરાબ ભાગો હતા તે દૂર કરી નાંખ્યા. અને પથ્થરમાં જે પડેલું જ હતું તે પ્રગટ થઈ ગયું !" આ શિલ્પી એટલે જ વિશ્વવિખ્યાત માઈકલ એન્જલો ! પથ્થરમાં પડેલા અદ્ભૂત શિલ્પને શિલ્પી માત્ર ઉજાગર જ કરે છે. માટે શિલ્પી પથ્થરનો દુશ્મન નથી, 394
