________________ પ્રતિકાર ૧૪મું - વંદનના દોષ 32 39 (30) સંથારપારઘટ્ટન - ગુરુના શય્યા-સંથારા વગેરેને પગ લગાડીને કે રજા વિના હાથથી અડીને માફી ન માંગવી. શય્યા શરીરપ્રમાણ હોય છે. સંથારો અઢી હાથ પ્રમાણ હોય છે. (31) સંથારાવસ્થાન - ગુરુના શય્યા-સંથારા પર ઊભા રહેવું, બેસવું, આડા પડવું. (32) ઉચ્ચાસન - ગુરુની આગળ ઊંચા આસને બેસવું વગેરે. (33) સમાસન - ગુરુની આગળ સમાન આસન પર બેસવું વગેરે. આ 33 આશાતનાઓ વર્જવી. પ્રતિદ્વાર ૧૪મું - વંદનના દોષ 32 વંદન કરતી વખતે 32 દોષો વર્ષવા. તે આ પ્રમાણે છે - (1) અનાદત - આદર વિના વંદન કરવું. (2) સ્તબ્ધ - અહીં ચાર ભાંગા છે - (i) દ્રવ્યથી સ્તબ્ધ - વાયુથી ગ્રસ્ત શરીર નમતું ન હોય, ભાવથી અસ્તબ્ધ. (i) દ્રવ્યથી અસ્તબ્ધ, ભાવથી સ્તબ્ધ - અભિમાની. (ii) દ્રવ્યથી સ્તબ્ધ, ભાવથી સ્તબ્ધ. (iv) દ્રવ્યથી અસ્તબ્ધ, ભાવથી અસ્તબ્ધ. ચોથો ભાંગો શુદ્ધ છે. બાકીના ભાંગામાં ભાવથી સ્તબ્ધ અશુદ્ધ જ છે. દ્રવ્યથી સ્તબ્ધ જો કારણસર વંદન ન કરી શકતો હોય તો શુદ્ધ છે, કારણ વિના વંદન ન કરે તો અશુદ્ધ છે. (3) પ્રવિદ્ધ - વંદન કરતા અધુરુ વંદન છોડીને ભાગી જાય છે.
