________________ 1 1 3 અનર્થદંડવિરમણવ્રતના 5 અતિચાર વગેરે લે તો તેની લાલચથી ઘણા બધા લોકો સ્નાન કરવા તડાવે જાય. તેથી પોરા, અપકાય વગેરેની ઘણી વિરાધના થાય. તે કહ્યું નહીં. તેથી ઘરમાં જ સ્નાન કરવું. જો ઘરમાં સ્નાનની વ્યવસ્થા ન હોય તો ઘરે જ તેલ - આમળાથી માથુ ઘસીને તેમને દૂર કરીને તડાવના કિનારે ખોબાથી સ્નાન કરે. જેમાં જીવોત્પત્તિ થઈ હોય એવા ફૂલો પણ ન વાપરે. (4) કંદર્પ - જેનાથી કામ પ્રગટે તેવા વચનો બોલવા તે. (5) યુક્તાધિકરણ - અધિકરણ-જેનાથી આત્મા દુર્ગતિનો અધિકારી કરાય તે. એક અધિકરણને બીજા અધિકરણ સાથે જોડેલું રાખવું તે અતિચાર છે. દા.ત. ખાંડણી સાથે સાંબેલુ સંયુક્ત રાખવું, હળની સાથે આગળનું લોઢાનું ફળ સંયુક્ત રાખવું, ગાડા સાથે ધુંસરી સંયુક્ત રાખવી, ધનુષ્ય સાથે બાણ સંયુક્ત રાખવા વગેરે. અનર્થદંડ ચાર પ્રકારનું છે - (1) અપધ્યાનાચરિત -દુષ્ટ ધ્યાન કરવું તે. (2) પ્રમાદાચરિત - પ્રમાદથી આચરણ કરવું તે. (3) હિંન્નપ્રદાન - હિંસક શસ્ત્રો આપવા તે. (4) પાપકર્મોપદેશ - પાપ કરવાનો ઉપદેશ આપવો તે. આઠમા વ્રતમાં આ ચારેની વિરતિ હોય છે. અનાભોગ વગેરેથી કૌત્કચ્ય વગેરે પાંચનો વિચાર કરવો તે અપધ્યાનવિરતિનો અતિચાર છે. કૌત્કચ્ય, કંદર્પ અને ભોગપભોગાતિરેક એ ત્રણ પ્રમાદાચરિતવિરતિના અતિચાર છે. યુક્તાધિકરણ એ હિંગ્નપ્રદાનવિરતિનો અતિચાર છે. મૌખર્ય એ પાપકર્મોપદેશવિરતિનો અતિચાર છે.
