________________ રાજાએ એટલી બધી જાળ ફેલાવી છે કે શરૂઆતમાં તેમાં ખૂબ મહેનત પડે. પણ અંતે વિજય તો આત્માનો જ છે. પોતાનું જે નથી તેના હવે પચ્ચખાણ - સાધુ જીવનમાં પણ જો સર્વવિરતિ શું છે એ સમજે નહિ તો પરિગ્રહથી મૂકાય નહી. મોહરાજા તો આપણી પર સવાર થવા માટે તૈયારી કરીને બેઠો જ છે. આત્મામાં કાર્ય માત્ર સામાયિક ધર્મને પ્રગટ કરવાનું છે. તેની માટે માત્ર સામાયિક દંડક નહીં પણ પાંચ મહાવ્રતો ઉચ્ચારાવાય છે. તેનું સ્વરૂપન સમજે તો સામાયિક શુદ્ધ ન થાય માટે એનું સતત સ્મરણ કરવાનું છે. તેમ દેશવિરતિધર છે તો 5 અણુવ્રત તો લેવા જ પડે અને તેની શુદ્ધિ માટે જ બાકીના 3 ગુણવ્રત ને 4 શિક્ષાવ્રત છે. જે પણ વસ્તુનો ત્યાગ કરીને પછી મોહના પરિણામ ન થાય તેનું ધ્યાન રાખવાનું છે. નવ પ્રકારના પરિગ્રહ બતાવ્યા છે. જમીન, વસ્તુ, ઘર-હાટ, રાચરચીલું, રૂપું, સોનું (ઘડ્યા વિનાનું સોનુ) ધન, ધાન્ય, દાસદાસી, પશુ બધું જ પરિગ્રહ છે. એ બધો ખ્યાલ આવવો જોઈએ. જેના પર જીવ મમતા કરી શકે, મારાપણાનું લેબલ લગાડી શકે તે બધું જ પરિગ્રહ. મિથ્યાત્વના ઉદયથી પરિગ્રહ સંજ્ઞા જોરદાર વધે. કારણ અનંતાનુબંધીનો ઉદય વધે, તેથી તીવ્ર આસક્તિ કરાવે. જરૂરિયાત હોય તેટલું રાખો તો તે પરિગ્રહ છે જ પણ તે અર્થદંડનું પાપ છે અને જરૂરિયાત વગરનું રાખો તો અનર્થદંડનું પાપ છે. પ્રયોજન છેને મમતા નથી અને પ્રયોજન છેને મમતા પણ છે તે બંનેના પરિણામમાં ફરક પડે. * ચારિત્ર ઉપકરણ ઘરમાં રાખવાના ફાયદાઓઃ ચારિત્રના ઉપકરણ ઘરમાં રાખો - દર્શન કરો ને ભાવના ભાવો કે હું ક્યારે આને વહન કરનારો બનું, બીજા નંબરે કોઈ મહાત્માને નિર્દોષ વહોરાવવાનો લાભ મળે, કોઈ મુમુક્ષુ હોય તો તેનો પણ લાભ લઈ શકાય. એટલે 3 લક્ષ હોય. (1) સ્વલક્ષ (2) સુસાધુ લક્ષ (3) મુમુક્ષુનો લાભ મળે. પોતાના માટે અને મુમુક્ષુ જ્ઞાનસાર–૨ || 76
