________________ અને ગુરુ બીજીવાર વિકલ્પ વિના કહી શકે. ભૂલ તમારી ન હોય ને તો પણ તમે સ્વીકારી લો તો જેણે ભૂલ કરી છે તેને વિચારવાનો મોકો મળે. કષાય વૃદ્ધિ પામતો નથી અને ભૂલને સુધારવાની તક મળે છે અને જેણે વગર ભૂલે સ્વીકાર કર્યો છે તેના પર તો ગુરુની કૃપા અપરંપાર વરસી જાય છે. (3) આર્જવતા:- સરળતા, સરળ માણસ ભૂલનો તરત એકરાર કરી લે. એકરાર કરવામાં તેને નાનપ નહિ લાગે. ગમે તેવી કઠિન ભૂલ હશે તો પણ સ્વીકારી લેશે. માન-માયાથી છૂટે તો જ સરળતા પ્રગટ થાય. અને સરળ આત્મા જ સાચોવિનીત બની શકે અને વક્ર હોય તે સ્વીકાર નહીં કરે, બહાના કાઢશે, જરૂર પડે પોતે સારો છે એમ બતાવશે અને ગુરુને હલકા ચીતરવામાં તેને નાનપ નહીં લાગે. સરળતા હશે તો વિકલ્પોની હારમાળા નહિ ચાલે. બાર તપમાં પ્રધાન તપ પ્રાયશ્ચિત (સરળતા) છે. સરળતા વિના ભૂલોનો એકરાર થતો નથી. બાહ્ય તપ ગમે તેટલા કર્યા તે માત્ર કાયકલેશ છે. તેના દ્વારા માત્ર પુણ્યબંધ છે. પણ સરળતા નથી તો તપ નથી. માયા કરીને પણ લોકમાં તપસ્વી તરીકે જાતને ઓળખાવશે. સાધુ જીવનમાં ગુરુના વિશ્વાસપાત્ર બનવાનો ઉપાય તે સરળતા છે. જે સરળ છે તે ગુરુના હૃદયમાં સ્થાન પામશે. સરળતા દ્વારા શિષ્ય ગુરુના હૃદયને ભેદીને આરપાર નીકળી જાય તેમાં શિષ્યની સફળતા છે. (4) શૌચ - લોભનો અભાવ = અનાસક્તિ. ધર્મના ઉપકરણો ઉપર પણ મમતા આસક્તિ ન રાખવી. (5) સત્ય - જિનવચન સાપેક્ષ, સ્વ–પર હિતકારી જરૂર પડે ત્યારે જ મધુર પ્રિયાદિ વચન બોલવું તે. (6) સંયમ - મુખ્ય સંયમ મન-વચન-કાયાની અશુભ પ્રવૃત્તિમાંથી નિવૃત્તિ અને શુભમાં પ્રવૃત્તિરૂપ.વિષય-કષાયનો જેમાં નિગ્રહ હોય. પૂજવા પ્રમાર્જયા રૂપ જયણા હોય, હિંસાદિ પાંચ આશ્રવનો જેમાં ત્યાગ હોય. જ્ઞાનસાર-૨ // 150
