________________ પાટ પછી આણંદસૂરિગચ્છ અને દેવસૂરિગચ્છ એમ બે ગચ્છ જુદા પડયા. કવિ દીપવિજયજી પોતે આણંદ સૂરિગચ્છના હતા. એટલે ૪૮મી ઢાળથી આણંદસૂરિગચ્છનું વર્ણન કરી રાસ પૂર્ણ કર્યા પછી દેવસૂરિગચ્છનું વર્ણન ૪૮થી 51 ઢાળમાં કર્યું છે. આ રીતે પટ્ટાવલી ચરિત્રાત્મક, માહિતી પ્રધાન અને ગુરુ મહિમાના ઐતિહાસિક વારસાનો સાંસ્કૃતિક પરિચય કરાવતો ગુજરાતી ભાષાનો એક સમૃધ્ધ ગ્રંથ છે. ટૂંકમાં કહીએ તો પટ્ટાવલી જૈનાચાર્યોની પરંપરા દર્શાવતી સ્તુતિ મૂલક સાંપ્રદાયિક રચના છે. આ કૃતિનો લલિતેતર સાહિત્યમાં સમાવેશ થાય છે. તેમ છતાં તેમાં રહેલી ભક્તિમાર્ગની પરંપરાનો મહિમા ગાવામાં આવ્યો છે. પટ્ટાવલી સમીક્ષા વીર સંવત ૪૭૧થી વિક્રમ સંવત શરૂ થાય છે. કવિએ વીર સંવત અને વિક્રમ સંવત એમ બન્નેનો આશ્રય લઇને ચરિત્ર નિરૂપણ કર્યું છે. પણ પછીની ઘટનાઓમાં વિક્રમ સંવતનો આધાર લીધો છે. વિક્રમ સંવત માટે માત્ર સંવત શબ્દ પ્રયોગ થયો છે. ઉદા. “સંવત ચ્યાર સત્યોતેરે, હુઆ ધસર સૂર, તિણે શેત્રુજા મહાતમ કિઓ, શિલાદિત્ય હજુર છેવા (પા.૨૫) કવિએ પુનરૂકિત કરીને વીર સંવતની સાથે વિક્રમ સંવતનો પણ ઉલ્લેખ કર્યો છે. ઉદા. “વીરથી પાંચસે વરસે ચોરાસી સંવત એકસો ચઉદા વરસે દંપતિ સૂરિપદ પાવે 2
