________________ આપવામાં આવી છે. ગુજરાતીમાં પણ કલ્પસૂત્રનું ભાષાન્તર - છે. વિશ્વના બધા જ ધર્મોમાં ગુરુકૃપા-ભક્તિનો મહિમા છે. એ ન્યાયે કવિ દીપવિત્યે પણ જિન શાસનના શણગાર સમા આચાર્યોનો વિશિષ્ટ રીતે પરિચય કરાવવા માટે પટ્ટાવલીની રચના કરી છે. કવિ મુનિ સુંદરસૂરિ અને ધર્મસાગરની પટ્ટાવલીની રચનાઓ મળી આવે છે. દેવન્દ્રસૂરિની પ્રભાવક ચરિત્ર એ ગુજરાતી ગદ્યમાં પટ્ટાવલીનો નમૂનો છે. પટ્ટાવલી સમુચ્ચયના બીજા ભાગના પ્રકાશન વખતે પ્રકાશક શ્રી વાડીલાલ છગનલાલ સાડીવાળા, પ્રકાશકના બે બોલની માહિતીમાં જણાવે છે કે સં. ૧૮૮૯માં પટ્ટાવલી સમુચ્ચય ભા-૧ પ્રથમ પ્રકાશિત કરવામાં આવ્યો હતો. તેમાં તેર પટ્ટાવલીઓ દશ અનુપૂર્તિઓ અને સાત પરિશિષ્ટનો સમાવેશ થયેલો હતો. આ પટ્ટાવલીઓ સંસ્કૃત અને પ્રાકૃત ભાષામાં રચાયેલી હતી. બીજો ભાગ તેને વધુ રસિક બનાવવા માટે ગુજરાતીમાં પ્રગટ કરવામાં આવ્યો છે. તેમાં વિસ્તૃત પાદનો સમાવેશ કરવામાં આવે છે. એટલે વાચકોને વધુ આસ્વાદ્ય બને તેમ છે. પટ્ટાવલીની વિશેષતા એ છે કે ભારતીય સંસ્કૃતિ અને ધર્મના વિકાસની ઐતિહાસિક માહિતી ઉપલબ્ધ થાય છે. જે સાહિત્ય સંશોધનમાં આધારભૂત દસ્તાવેજ બની રહે છે. જિન શાસનના ગૌરવવંતા વારસાના અધિકારી સંરક્ષક અને સંવર્ધક આચાર્ય ગુરૂ પરંપરાની કડીબદ્ધ વિગતો મેળવવા માટે પટ્ટાવલી જેવું અન્ય કાંઈ ઉપયોગી સાધન નથી. રાષ્ટ્રના વિકાસમાં ધર્મનું પ્રદાન ગણનાપાત્ર
