________________ પ્રકરણ - 3 સોહમકુળરત પટ્ટાવલી રાસ મધ્યકાલીન કાવ્ય પ્રકારોમાં રાસ, પ્રબંધ, વિવાહલો, પવાડો, છંદ, સલોકો વગેરે સ્વરૂપમાં જૈન સાહિત્ય વિપુલ પ્રમાણમાં ઉપલબ્ધ છે. આ રચનાઓ મુદ્રિત થતાં પહેલાં હસ્ત પ્રતોમાં સુરક્ષિત મળી આવે છે. તેનું સંશોધન કરીને જૈન સાહિત્યની કેટલીક કૃતિઓ મુદ્રિત થયેલી છે. કવિએ “સોડહમ કુળ પટ્ટાવલી રાસ' શબ્દ પ્રયોગ પોતાની કૃતિ માટે કર્યો છે. પટ્ટાવલીમાં ભગવાન મહાવીર સ્વામીના પાંચમા ગણધર સુધર્માસ્વામીથી પ્રારંભ કરીને કવિના ગુરૂ ગચ્છાધિપતિ રતસૂરિ સુધીના આચાર્યોની પરંપરાની મહત્વપૂર્ણ વિગતો આપીને ક્રમિક નામોલ્લેખ કર્યો છે. સમગ્ર રચના ચરિત્રાત્મક છે. રાસના લક્ષણોનો સંદર્ભ અહીં જોવા મળતો નથી પણ ગુરુ પરંપરાના ઉલ્લેખની ગુરુગુણ ગાવાની ચરિત્રાત્મક વિગતો જ કૃતિમાં સ્થાન ધરાવે છે. રાસ” શબ્દ પ્રયોગ કર્યો ન હોત તો પણ યોગ્ય લાગે છે. પટ્ટાવલીમાં “પાટ પરંપરા'નો સંદર્ભ આવે છે. “રાસ” શબ્દપ્રયોગ રસપૂર્વક ભક્તિ-ભાવપૂર્વક પૂર્વે થઈ ગયેલા પ્રભાવશાળી - પ્રતાપી આચાર્યોનું ગુણગાન - મહિમા દર્શાવવા માટે રાસ કર્યો હશે એમ માનવામાં આવે છે. પટ્ટાવલીનો સંદર્ભ ભદ્રબાહુસ્વામી વિરચિત કલ્પસૂત્ર નામના વીરાવલીમાં જોવા મળે છે. કલ્પસૂત્રની ટીકા - વિવેચનમાં Wવીરાવલીમાં સમાવેશ કરેલા કેટલાક આચાર્યો વિશે વિગતો 44
