Page Text
________________
. ' ખુમારીનાં પાઠ મંત્ર તો હતો જ. જ્યાં જાય ત્યાં તેઓ ખાદી લઈને જાય અને ખાદી વેચતા વેચતાં પણ બધે નિર્ભયતાને ઉપદેશ આપતાં જાય. મુંબઈના મહાધનાઢય પારસી કુટુંબની આ બહેન પોતાના નાજુક શરીર છતાં જ્યારે આ ગામોમાં ફરવા લાગી ત્યારે લેકેને થઈ ગયું કે આ લડત એકબે કુસ્તીઓમાં નહિ પડે, સરકાર પણ હઠે ચડશે, અને લોકોએ પણ બરાબર કમર કસવી જોઈશે.
દરમ્યાન સરકારના અમલદારોની પ્રપંચ જાળમાં ક્યાંક ક્યાંક લોકો ફસાતા જતા હતા. વાલોડના કિલામાં તેમણે પહેલું સેંધવા જેવું ગાબડું પાડ્યું. બે વાણિયાઓને તેમણે સાધ્યા અને લોકોની આંખમાં ધૂળ નાંખવાની તેમણે બતાવેલી તરકીબને પણ તેઓ વશ થયા. ઘરમાં સહેજે હાથ લાગે એવી રીતે નાણું રાખીને જપ્તી થવા દેવાની સલાહ તેમણે માની, અને મહાલકરી જ્યારે -જપ્તાહુકમ લઈને તેમને ત્યાં ગયા ત્યારે રૂ. ૧,૫૦૦ અને રૂ. ૭૮૫ ની નોટો તેમને સહેજે મળી રહી. લોકોને આ બાજીની ગંધ મળી ગઈ હતી. આવા બે જબરદસ્ત સ્થંભો ભાંગવાની ખબર વાયુવેગે ગામેગામ ફરી વળી. વાલોડમાં તે લોકોના પ્રકોપનો પાર ન રહ્યો. બંને જણનો આકરો બહિષ્કાર કરવાનો તેમણે નિશ્ચય કર્યો. શ્રી. વલ્લભભાઈને ખબર પડી કે મેડી રાત્રે તેઓ વાલોડ પહોંચ્યા અને લોકોને તેમણે શાંત પાડયાઃ
તમને આ કૃત્યથી બહુ રોષ ચડ્યો છે એ સ્વાભાવિક છે, પણ રિષના આવેશમાં કશું કરશો નહિ. ટેકા દઈને તમે જેમને ઊભા રાખવા મથશે તે ઠેઠ સુધી કેમ ચાલશે ? . . . આપણે સરકાર જોડે લડવા નીકળ્યા છીએ, આપણું જ નબળા માણસો સાથે અત્યારે આપણે લડવું નથી. એમની સાથે લડીને તમે શું કરશે ? . . . હું સાંભળું છું કે હજુ બીજા બેચાર આવા નબળા છે. તેમને તમે સંભળાવી દે કે પ્રતિજ્ઞા તેડી ભરવું હોય તો સીધી રીતે ભરી દે, આ ભાઈઓ જે પ્રપંચ કરશે તેમાં તે સરકાર પાસે પણ તમારી આબરૂ જવાની.
છેવટમાં મારી તમને એટલી જ વિનંતિ છે કે આ કિસ્સાથી આપણે ઘડે લઈએ અને આપણી પોતાની જાતને વિષે વધારે જાગૃત રહીએ; આપણું ભાઈઓ માટે વધારે કાળજી રાખીએ. આ કિસ્સાને ચેરચેર કરવામાં કંઈ સાર નથી. ગંદી ચીજને ચૂથીએ તો તેમાંથી બદબ જ ટચા કરે.
૬૭.
| SR No. | 032686 |
| Book Title | Bardoli Satyagrahno Itihas |
| Original Sutra Author | N/A |
| Author | Mahadev Haribhai Desai |
| Publisher | Navjivan Prakashan Mandir |
| Publication Year | 1929 |
| Total Pages | 406 |
| Language | Gujarati |
| Classification | Book_Gujarati |
| File Size | 27 MB |