________________
ક્યારેક તો કેવળજ્ઞાન થશે ને ? આપણને નહિ થાય તો કોને થશે ?
અવધિજ્ઞાન નહિ, અનુભવજ્ઞાન થાય એવી તમન્ના છે, જેને હરિભદ્રસૂરિજીએ સંસ્પર્શ જ્ઞાન કહ્યું છે.
અવધિજ્ઞાનની શું વાત કરો છો ? કેવળજ્ઞાનીના ગ્રંથો કંઠસ્થ હોય તો આપણી પાસે કેવળજ્ઞાન છે. તમે અવધિજ્ઞાનની ક્યાં માંડો છો ?
સકલ કુશલવલ્લી બોલીએ ત્યારે જગચિંતામણિ, ચૈત્યવંદન નથી બોલતા. શું કારણ ?
પૂજ્યશ્રી ઃ જગચિંતામણિનો ભાવ સકલકુશલવલી માં આવી ગયો. આ જ કારણ છે. તમે વિચારશો એટલે ખ્યાલ આવી જશે. અક્ષરો, અર્થ તરફ લઈ જાય, અભિધાન, અભિધેય તરફ લઈ જાય. આ નિયમ છે. પણ તમે તો જગચિંતામણિ. વગેરેના અક્ષરો એટલા ઝડપથી બોલો છો કે અક્ષરો જ પકડાય નહિ. પછી અર્થ ક્યાંથી પકડાય ?
ગોચરીમાં તમે જે જે નામ ગણાવો તે તે વસ્તુ તમારા પાત્રામાં આવી જાય કે નહિ ?
નામ-નામીનો સંબંધ સમજાય છે ? અહીં જગચિંતામણિ, બોલતાં તેવા પ્રકારના ભગવાન આપણા માનસપટમાં કેમ ન આવે ?
ચિંતામણિ તો જડ છે. ભગવાન પરમ ચેતન્યરૂપ છે. આ મોટો ફરક છે.
આવા ચિંતામણિ પાસે શું માંગશો ? “સકલ પ્રત્યક્ષપણે ત્રિભુવન-ગુરુ, જાણું તુજ ગુણગ્રામજી; બીજું કાંઈ ન માંગુ સ્વામી ! એહિ જ છે મુજ કામજી...”
પૂ. દેવચન્દ્રજી મહારાજની આ પ્રાર્થનામાં શું બાકી રહ્યું ? કેવળજ્ઞાન સુધીનું આવી ગયું.
આ બધું સમજીને જો તમે જગચિંતામણિ બોલશો ત્યારે અપૂર્વ ભાવોલ્લાસ વધશે.
ભગવાન જગન્નાહ - જગતના નાથ છે, તેમ જગતના ગુરુ
