________________
પણ છે. જગતના રક્ષક પણ છે. (જગ-રક્ષણ)
દુર્ગતિ દુર્ભાવથી થાય છે. ભગવાન દુર્ભાવોને રોકીને આપણને દુર્ગતિથી બચાવે છે. આ રીતે ભગવાન જગતના બાંધવ છે. ભગવાન ઠેઠ મોક્ષ સુધી પહોંચાડનાર સાર્થવાહ છે - सत्थवाह !
-
ભગવાનના સંઘમાં એકવાર તમે જોડાઈ જાવ. મોક્ષ સુધીની જવાબદારી ભગવાનની !
પૂજ્યશ્રીનું વાત્સલ્ય અને વચન લબ્ધિ
આ વાત છે; ઈ.સ. ૧૯૮૫ની. એકવાર કોઈ ગૃહસ્થને ત્યાં જૂના પુસ્તકો કાઢવા મૂકેલા. તેમાં તત્ત્વજ્ઞાન પ્રવેશિકા પર નજર ગઈ. બે ત્રણ પાના વાંચ્યાં અને જાણે કોઈ નવું રહસ્ય મળ્યું હોય તેવો ભાવ થયો. ઉપર-નીચેના પાના ફાટી ગયેલા એટલે સમજાયું નહિ કે કોણે રચના કરી છે. તપાસ કરતાં ખબર મળ્યા કે પૂ. આચાર્યશ્રીનું આ તત્ત્વદોહન (કૃતિ) છે. મનમાં થયું કે આ તત્ત્વદોહન તો જૈન માત્રને પ્રાપ્ત કરાવવા જેવું છે.
ત્યાં વળી કચ્છની તીર્થ યાત્રાએ જવાનું થયું. સાંજે માંડવી પહોચ્યા. ખબર મળ્યા કે આચાર્યશ્રી પધાર્યા છે. સાંજ પડી હતી. તેથી તપાસ કરી તો કોઈ ભાઈએ કહ્યું કે સાંજ પડી છે. પૂજ્યશ્રી હવે મળશે નહીં.
મેં કહ્યું કે પૂછો કોઈ બહેન અમદાવાદથી આવ્યા છે. અને તત્ત્વજ્ઞાન પ્રવેશિકા વિષે વાત કરવી છે. કોઈ પુણ્યોદય હશે, ઘણા જીવોના સદ્ભાગ્ય જોડાયેલા હશે ! અને પૂજ્યશ્રી બહારની ઓસરીમાં આવ્યા. અમે ત્રણ બહેનો હતા. આદરપૂર્વક વંદન કરી બેઠા અને પૂછ્યું.
સાહેબજી, તત્ત્વજ્ઞાનપ્રવેશિકા પરદેશ લઈ જવી છે અને જિજ્ઞાસુઓ સુધી તેનું રહસ્ય પહોંચાડવું છે. આપ કંઈ બોધ આપો. પૂજ્યશ્રીએ એક પાઠનું રહસ્ય સમજાવ્યું. પણ ચમત્કૃતિ એ થઈ કે એ પુસ્તક એકવાર વાંચ્યું અને પ્રથમ જ વાર એમાંના રહસ્યો સમજાતા ગયા. આ પૂજ્યશ્રીની વચન લબ્ધિ જ હતી. પછી તો ૫૦૦ પુસ્તિકાઓ મંગાવી. આફ્રિકા, લંડન અને અમેરિકા સુધી પહોંચી. લગભગ બે હજાર જેવા જિજ્ઞાસુઓમાં અભ્યાસ થયો.
– સુનંદાબેન વોરા
કહે, કલાપૂર્ણસૂરિ-૩
૫૭
