________________
દક્ષિણમાં જોયુંઃ સેંકડો – હજારો માણસો દૂર-દૂરથી દોડતા આવે. આ કોનો પ્રભાવ ? આ પૂજાતિશય ભગવાનનો નહિ તો કોનો ? મારો ? ભગવાનનો આ પ્રભાવ ૨૧ હજાર વર્ષ સુધી આવો જ રહેવાનો છે.
અહીં જ જુઓને ! આટલા ઠાણા છે, છતાં વસ્ત્ર, આહાર, વસતિ અંગે કોઈને તકલીફ પડી ? કોઈને પડી હોય તો કહેજો. આ શાસનનો પ્રભાવ નહિ ?
૨૦ વર્ષ પહેલા અહીં ચાતુર્માસમાં ૨૪૦ સાધ્વીજી હતા. કોઈને કાંઈ કહેવું ન પડે, વસ્ત્ર વગેરેનો ઢગલો સ્વયમેવ થતો જાય. આધોઈ સંઘ, જે મુખ્ય ચાતુર્માસ કરાવનાર હતો, તેને કાંઈ જ લાભ ન મળ્યો.
- તમે જૂઠ ન બોલો તો તમારા વચનમાં વચનસિદ્ધિની લબ્ધિ પ્રગટ થશે. તમે કોઈને પીડા થાય તેવું વર્તન મન - વચન - કાયાથી ન કરો તો ઉપશમની લબ્ધિ પ્રગટ થશે. તમે સંયમનું સુંદર પાલન કરો એટલે અવનવી લબ્ધિઓ ઉત્પન્ન થશે. પણ સાંભળો. આ લબ્ધિઓ તમારી છે, એમ નહિ માનતા, આ ભગવાનનો પ્રભાવ છે, એમ માનજો.
લોકો કેવી હવા ફેલાવે ? મને અવધિજ્ઞાન થયું છે. એવી વાત કર્ણાટક - આંધ્ર - તામિલનાડુ આદિ પ્રદેશોમાં ખૂબ જ ફેલાઈ. કેટલાય ફોન આદિ આવ્યા. હું કહું છું ઃ આવું કાંઈ થયું નથી.
પૂ. હેમચન્દ્રસાગરસૂરિજી = થયું હોય તો શી ખબર?
પૂજ્યશ્રી : આપણને થાય કે ન થાય, લોકોને પહેલા જ્ઞાન થઈ જાય.
એક દાખલો બતાવું. રાજનાંદગાંવમાં મેં ચતુર્થવ્રત લીધું એટલે લોકોએ અફવા ઊડાવી : આ અક્ષયરાજજી તો દીક્ષા લેવાનો છે. ત્યારે મારા મનમાંય ન્હોતું. દીક્ષાની કોઈ વાત જ ન્હોતી. સંયોગ પણ ન હતા. પણ બે જ વર્ષ પછી દીક્ષાના ભાવ જાગ્યા. હું તે વખતે કહેતો : “તમારી વાત સાચી પડો.”
અહીં પણ એવું જ થશે ને ? અત્યારે નહિ તો આવતા ભવે.
કહે, કલાપૂર્ણસૂરિ-૩
* * * *
* * * *
*
પપ
