________________
પ્રતિક્રમણ પૂરું થતાં જ વરસાદ તૂટી પડ્યો. આવા વચનસિદ્ધ પૂજ્યશ્રી હતા.
અમે પૂજ્યશ્રીને જોયા નથી, પણ જેમણે જોયેલા તેમની પાસેથી પૂિ. કનકસૂરિજી મ. પાસેથી એમને ઘણીવાર સાંભળ્યા છે.
જંબૂસ્વામીએ ભગવાન મહાવીરને ભલે જોયા ન્હોતા, પણ સુધર્મા સ્વામી પાસેથી સાંભળ્યા જરૂર હતા. ભગવાન મહાવીર કેવા હતા ? તેનું વર્ણન સૂયગડંગમાં થયેલું છે. [વિ. સં. ૨૦૩૬ પાલીતાણા ચાતુર્માસમાં સૂયગડંગ પર વ્યાખ્યાન આપ્યા હતા
ફરી – ફરીને કચ્છ આવી આવીને પૂજ્યશ્રીએ કચ્છ – વાગડવાસીઓને ધર્મવાસિત કર્યા. ઉજ્જડ રણભૂમિને વૃંદાવનમાં એમણે પલટાવી. એમનો ઉપકાર આજે પણ તમે સૌ યાદ કરો છો ને ?
પણ સમુદાય પ્રત્યે તમારી જવાબદારી યાદ આવે છે ? મારા કુટુંબમાંથી કોઈકને હું આ ઉપકારી ગુરુદેવો પાસે ભણવા મોકલું - એવું યાદ આવે છે ?
સવારે વિષ્ણુ મંદિરે જતા, વાસી ખીચડી ખાતા, આ સમાજને ધર્મ-માર્ગે વાળવા એમણે અથાગ પરિશ્રમ કર્યો છે, તે ભૂલતા નહિ.
તમે તમારા સંતાનોને આ માર્ગે વાળવા પ્રેરણા આપો તો કંઈક અંશે એ ઉપકારોનો બદલો વાળી શકાય.
પૂ.જીતવિજયજી મહારાજ એ યુગમાં સર્વ સમુદાયોના મહાત્માઓ દ્વારા પ્રશંસા પામેલા હતા. એમનો શિષ્ય પરિવાર પૂ. કનકસૂરિજી, પૂ. આણંદશ્રીજી આદિ પણ પ્રશંસા પામેલા હતા.
આવા ઉપકારી પૂજ્યશ્રી આજના દિવસે પલાંસવા મુકામે સિદ્ધોનું ધ્યાન કરતાં વિ. સં. ૧૯૭૯[કચ્છી સંવત્ ૧૯૮૦] માં કાળધર્મ પામ્યા.
૦ વિ. સં. ૨૦૨ ૭માં ખંભાતનો ખૂબ જ આગ્રહ છતાં પૂ.દેવેન્દ્રસૂરિજીએ આઘોઈ ચાતુર્માસની ઈચ્છા દર્શાવેલી. આઘોઈને આ રીતે અનેક મોટા ચાતુર્માસ મળ્યા છે. આજે આઘોઈ સંઘ તથા વાગડના સંઘો જે કામો કરી રહેલ છે. તેમાં આ ઉપકારી ગુરુજનોનો પ્રભાવ છે.
- માલશી મેઘજી : તબીયત નબળી હોવા છતાં ઉપકારી
કહે, કલાપૂર્ણસૂરિ-૩
* * * *
* * * * *
* * *
* *
૨૩
