________________
આજે પણ મનફરામાં વિદ્યમાન છે. [તાજેતરમાં વિ.સં. ૨૦૧૭, મહા સુદ-૨ના દિવસે આવેલા ભયંકર ભૂકંપથી આજે આ ગામ સંપૂર્ણ ધ્વસ્ત થઈ ચૂક્યું છે. જિનાલય પણ જમીનદોસ્ત બની ચૂક્યું છે. આજે આ પ્રતિમા મુંબઈ-વેસ્ટ પાર્લાના જિનાલયમાં બિરાજમાન છે. ભૂકંપમાં ધ્વસ્ત થયેલા મનફરા-જિનાલયની તસ્વીર આ પુસ્તકમાં આપવામાં આવી છે.]
પોતાની આ પ્રતિજ્ઞા સફળ કરવા અહીં પાલીતાણા આવીને ચતુર્થ વ્રતની પ્રતિજ્ઞા લીધી.
ત્યાર પછી ગુરુની તપાસ કરતાં-કરતાં ઘણા વર્ષો નીકળી ગયા. આખરે તેમણે પદ્મવિજયજી મહારાજને [પદ્મવિજયજી નામ યતિ-અવસ્થાનું છે. સંવેગી દીક્ષા સ્વીકારી ત્યારે ગુરુ પં. મણિવિજયજીએ પ્રેમવિજયજી નામ આપેલું, પણ મોટી ઉંમરે સંવેગી દીક્ષા લીધી હોવાથી પદ્મવિજયજી નામ જ પ્રચલિત રહ્યું. સંવેગી દીક્ષામાં પોતાના શિષ્ય જીતવિજયજીથી તેઓ ફક્ત એક જ વર્ષ મોટા હતા.] શોધી કાઢ્યા. આડીસર ગામમાં તેમની પાસે વૈ. સુદ૩ ના [વિ. સં. ૧૯૨૫] દીક્ષા લીધી. ત્યારે ૨૯ વર્ષની ઉંમર હતી. દીક્ષા પ્રસંગે રાયણનું સૂકું વૃક્ષ નવ-પલ્લવિત થયું ને જે કૂવામાંના પાણીથી દીક્ષા પૂર્વેનું સ્નાન કરવામાં આવ્યું તે કૂવાનું પાણી મીઠું થઈ ગયું.
. પદ્મવિજયજી મ. પ્રખર જ્યોતિર્વેત્તા હતા, નૈમિત્તિક પણ હતા. આવી ઘટનાથી તેમણે જાણી લીધું ઃ આ જયમલ્લ જીતવિજયજી બનીને હવે મહાન પ્રભાવક બનશે.
વિ. સં. ૧૯૩૮, વૈ. સુદ-૧૧ના જો કે ગુરુ પદ્મવિજયજી મ. કાળધર્મ પામ્યા, પણ એમના આશીર્વાદ સદા તેમના પર વરસતા રહ્યા. પછી જીતવિજયજી મહારાજે મારવાડ, મેવાડ, ગુજરાત, કચ્છ આદિ સ્થળોએ વિચરણ કરી ખૂબ જ ધર્મ પ્રભાવના કરી.
અમે ૧ ૨ વર્ષ પહેલા વાવમાં ચાતુર્માસ હતા. ત્યારે ત્યાંના વૃદ્ધ પુરુષો કહેતા : અહીં દાદા જીતવિજયજી મહારાજે ચાતુર્માસ કર્યું છે. એમણે ચોમાસી ચૌદશના દિવસે કહેલું : તમે અહીં શાંતિથી પ્રતિક્રમણ કરો. વરસાદની ચિંતા નહિ કરો. ખરેખર એવું જ બન્યું.
જ એ
જ ૪ જે જ
૪ જ
જ
જ
એક
જ
