________________
થપ્પડ પણ મારે, પણ દાદા તો પૌત્રને ખોળે જ બેસાડે. આપણે અહીં આદિનાથ ભગવાનને દાદા જ કહીએ છીએ ને ?
૦ આવા ભગવાનની આશાતના સંસાર બનાવી આપે પણ ભક્તિ સંસારથી પાર કરી દે.
આવા ભગવાનને યાદ કર્યા વિના, એમનું ચૈત્યવંદન કર્યા વિના તમે પચ્ચકખાણ પણ પારી શક્તા નથી, વાપરી શક્તા નથી, એ ભગવાનનો મહિમા કેટલો ? પણ આપણે કદી આ સમજવા તૈયાર નથી.
- હું તો ત્યાં સુધી કહીશ : આ સંસાર તરવા માટે ભાવિત કરેલો એક શ્લોક જ કાફી છે. ક્યારેક તો વૃદ્ધાવસ્થા આપણા સૌની આવવાની જ. ક્યારેક તો આ બધું ભૂલાઈ જ જવાનું. ત્યારે ભાવિત કરેલો આવો એક શ્લોક જ કામ આવશે.
આ અર્થમાં જ ઉપા. યશોવિજયજીએ કહ્યું : निर्वाणपदमप्येकं, भाव्यते यन्मुहुर्मुहु: ।
- તમે ચૈત્યવંદન તો કરો જ છો, પચ્ચકખાણ પારો જ છો, પ્રતિક્રણાદિ ક્રિયા કરો જ છો. ગોઠવણ જ એવી છે કે કરવું જ પડે. હવે એ ક્રિયામાં ઉપયોગ જોડો તો તમારું જાય શું ? સમય તો આમેય જવાનો જ છે. માત્ર તમારો ઉપયોગ ત્યાં જોડવાની જરૂર છે. શા માટે આપણે મનને ત્યાં નથી જોડતા ? બહુ તકલીફ પડે છે ? હા..., ત્યાં મનને તકલીફ પડતી હોય છે. ત્યાં માનસિક વીર્યની જરૂર પડે છે. શારીરિક વીર્યની જેમ માનસિક વીર્ય પણ જોઈએ. તો જ સૂત્રાદિમાં મન લગાવી શકીએ. શારીરિક વ્યાયામમાં શારીરિક તકલીફ પડે છે તેમ માનસિક વ્યાયામમાં પણ અલગ પ્રકારની તકલીફ પડતી હોય છે.
- સિદ્ધર્ષિ ગણિ બૌદ્ધ દર્શનનો અભ્યાસ કરવા ગયેલા. ત્યાં જઈ ચલચિત્તવાળા બન્યા.
આજે પણ આવું બને છે ને ? વિપશ્યનાની ૧૧ દિવસની શિબિર કરીને આત્માનુભૂતિ થઈ ગયાનો દાવો કરનારા ઓછા નથી. આવા ઘણા લોકો આત્માનુભૂતિના ભ્રમમાં પૂજાદિ સર્વ છોડી માર્ગભ્રષ્ટ બનતા હોય છે.
ર
જ
સ
ક
એક
જ
એક
!
