________________
કોઈ અપૂર્વ જ્ઞાન મળતાં બેસી ન રહો. એને જીવનમાં ઊતારી લો. સમય બહુ ઝડપથી સરકી રહ્યો છે. ભગવાન ગૌતમસ્વામીને કહે છે : દાભની અણી પર રહેલા બિંદુને પડતાં વાર શી ? આ જીવનને જતાં વાર શી ? માટે પ્રમાદ ના કરો.
પણ ભગવાનની વાણી પણ લોકોએ નથી સ્વીકારી તો મારી વાત તો ક્યાંથી સ્વીકારવાના ? સાંભળવા રોજ આવો છો એ પણ મોટો ઉપકાર !
- સામર્થ્યયોગ બે પ્રકારે : (૧) ધર્મ સંન્યાસ.
(૨) યોગ સંન્યાસ. સંન્યાસ એટલે વિરતિ. સંન્યાસ એટલે અટકવું. બીજા અપૂર્વકરણ [આઠમા ગુણઠણે] માં આ સામર્થ્યયોગ સાચા અર્થમાં આવે છે. એ પહેલા અતાત્ત્વિક સામર્થ્યયોગ દીક્ષા લેતા સમયે હોઈ શકે છે.
- ઊંચી ભૂમિકામાં ગયા પછી નીચી ભૂમિકાના ગુણો લુપ્ત નથી થતા, એ જ પુષ્ટ બનતા ચ્યું છે. માર્ગાનુસારી, શ્રાવક વગેરેના ગુણો વધુ ને વધુ પુષ્ટ થતા એ છે. લાખ રૂપિયા થયા એટલે પહેલાના દસ હજાર ગયા તેમ નહિ, પણ તે દસગણા થયા.
આઠમા ગુણસ્થાનક સિવાય શ્રેણિ મંડાતી નથી. શ્રેણિ વિના કેવળજ્ઞાન નહિ. કેવળજ્ઞાન વિના મોક્ષ નહિ. અત્યારે આ બધું નથી મળવાનું એટલે આપણે ઉદાસીન થઈને બેઠા છીએ. આ જ આપણી ભૂલ છે. અત્યારે મળેલી સામગ્રી પર્યાપ્ત નથી, સામગ્રી પર્યાપ્ત મળશે ત્યારે જોરદાર સાધના કરીશું, મહાવિદેહમાં જઈને સીમંધર સ્વામી પાસે ઘોર સાધના કરીશું, આવું વિચારનારા એ જોતા નથી કે અત્યારે મળેલી સામગ્રીનો પર્યાપ્ત ઉપયોગ ન કર્યો તો ક્યા આધાર પર આગળની ઉત્તમ સામગ્રી મળશે ? મહાવિદેહ મળી જશે કદાચ, પરંતુ ત્યાંથી મોક્ષ મળશે જ એવું નિશ્ચિત છે? ત્યાંથી મોક્ષે જનારા છે તેમ સાતમી નરકે જનારા પણ છે, એ ભૂલશો નહિ. .
- મનને ફરે તેમ ફરવા દઈએ છીએ, મન ચપળ બને એનો આપણને જરાય વાંધો નથી. મળેલી સામગ્રીનો કોઈ ઉપયોગ નહિ.
કહે, કલાપૂર્ણસૂરિ-૩
૧૯૩
