________________
૮નું ]
સમકાલીન રાજે
[૧૩૭
પણ કહેવાત. એ મૈત્રક રાજા ધ્રુવસેન ૧ લાના સમકાલીન હતો. એ ગારુલક વંશને પ્રતાપી રાજા ગણતો.“
શર ૨ જાને ગાદીવારસે એના અનુજ વરાહદાસ ૨ જાને મળ્યો. એનું ઈ. સ. ૫૪૯નું દાનશાસન મળ્યું છે. એણે એક ભિક્ષુણી–વિહારને ભૂમિદાન દીધું હતું. એ વિહાર પ્રાય: વલભીમાં આવ્યો હતો. વિહારને દાનમાં આપેલી ભૂમિ જે ગામમાં આવેલી હતી તે ગામ એને મૈત્રક રાજા ધ્રુવસેન ૧ લા તરફથી બક્ષિસમાં મળેલું હતું. ૧૧ વરાહદાસ ઘણે ધર્મિક હતો.૧૨ એણે દ્વારકા જીતી લઈ “દારકાધિપતિનું ગરવું બિરુદ પ્રાપ્ત કરેલું. ૧૩ એ “પરમ ભાગવત” હતો. એ અનેક દેવાલય વગેરે બંધાવતો.૧૪
વરાહદાસ ૨ જા પછી એને પુત્ર સિંહાદિત્ય ગાદીએ આવ્યો. એણે ઈ. સ. પ૭૪ માં એક બ્રાહ્મણને ભૂમિદાન દીધેલું. ૧૫ દાનશાસનમાં આપેલી એની પ્રશસ્તિ પરથી એ ધીર ને લલિત, નમ્ર ને દર્શનીય તેમજ પરાક્રમી ને પ્રતાપી હોવાની છાપ પડે છે. ૧૬ ગારલક વંશમાં સિંહાદિય પછી બીજા રાજાઓ થયા હોય તો એમને વિશે હજી કંઈ માહિતી મળી નથી.
દાનશાસનોના શાસનસ્થાન પરથી ગારલક રાજ્યનું પાટનગર ફંકપ્રસ્ત્રવણ હોવાનું માલૂમ પડે છે. આ નગરનો સ્થળનિર્ણય કરવો મુશ્કેલ છે. ૧૭ દાનશાસનમાં જણાવેલાં ગામોના સૂચિત સ્થળનિર્ણય પરથી ગારલકનું રાજ્ય સૌરાષ્ટ્રના પશ્ચિમ ભાગમાં હોવાનું માલૂમ પડે છે. ૧૮ એનો વિસ્તાર પશ્ચિમે છેક દ્વારકા સુધી હતો. ૨. સંધવ રાજ્ય
“અપર-સુરાષ્ટ્ર અર્થાત પશ્ચિમ સૌરાષ્ટ્રમાં આઠમી સદીમાં સેંધવ નામે વંશનું રાજ્ય સ્થપાયું. આ વંશનાં નવ દાનશાસન મળ્યાં છે, જેમાંનું એક બનાવટી છે. આ વંશ સામાન્ય રીતે “સેંધવ” નામે ઓળખાતો ને એ વંશ જયદ્રથમાંથી ઉત્પન્ન થયેલ મનાતો. આ પરથી આ રાજાઓ મૂળ સિંધુદેશના હોવાનું માલુમ પડે છે. જયદ્રથ એ પાંડવોનો સમકાલીન સિંધુરાજ હતો, તેથી આ રાજાઓ પિતાના વંશને જયદ્રથ સાથે સાંકળે એ સ્વાભાવિક છે.
ઘૂમલીનાં દાનશાસનમાં પૂર્વજોની વંશાવળી વધુમાં વધુ પુષ્યદેવ સુધી આપવામાં આવી છે.૧૯ એના વંશજેના જ્ઞાત સમય પરથી પુષ્યદેવને રાજ્યકાલ લગભગ ઈ. સ. ૭૩૫ થી ૭૫૦ નો આંકી શકાય.૨૦ વળા(વલભીપુર)માંથી મળેલું મુદ્રાંક મહારાજ અતિવર્માના પુત્ર મહારાજ મહાસેનાપતિ પુષ્યનું
