________________
જે
ભક્તહૃદયના ભક્તિભાવો ઉછાળો
સાત સમુંદર સ્યાહી કરું,
લેખણ કરું વનરાય; ધરતીકા કાગદ કરું,
પ્રભુ ગુણ લીખા ન જાય...
અનંત ગુણોના રત્નાકર, અનંત શક્તિના સ્વામી પરમતારકા દેવાધિદેવ, રૈલોક્ય પૂજક, સર્વજ્ઞ - સર્વદર્શી અરિહંત જિનેશ્વરની સ્તુતિ કેમ કરી થાય?
અરિહંત વંદનાવલી એટલે ચંદ્રથી પણ અધિક નિર્મળ, સૂર્યથી પણ અધિક તેજોદિત, મહોદધિથી પણ અધિક ગંભીર એવા લોકાલોક પ્રકાશ તીર્થંકર પ્રભુ અરિહંત દેવનો આંતર-બાહ્ય પરિચય પામવાનો નાનો એવો બાલિશ પ્રયાસ. અસંભવ જ છે. જે ન ભૂતો ન ભવિષ્યતિ'.
છતાં ભક્ત હૃદયમાં ભક્તિભાવનો ઉછાળો આવતો જાય છે. બસ, એવું જ બન્યું છે. કોઈ અનજાન બહુશ્રુત મુનિશ્વરના અંતરમાં... ગાતાં ગાતાં મન વિશ્રામ પામતું નથી... શબ્દો સાથ આપવામાં ઊણા ઊતરે છે, કારણ..? કારણ અસીમનું વર્ણન અસીમ એવા શબ્દો શું કરી શકે..?? છતાં.. છતાં..
