________________
18
સંપાદકીય
અધ્યાત્મયોગિની પૂ. લલિતાબાઈ મહાસતીજી (પૂ. બાપજી) અને તેમના શિષ્યાઓ જે જે સ્થળે ચાતુર્માસ કે શેષકાળમાં હોય ત્યાં પ્રત્યેક બેસતા મહીને સુપ્રભાતે અરિહંત વંદનાવલી પ્રાર્થના ભક્તિ અચૂક કરાવે.
પૂજ્ય ડૉ. તરુલતાબાઈ મહાસતીજીની નિશ્રામાં જ્યારે જ્યારે અરિહંત પરમાત્માની અરિહંત વંદનાવલી દ્વારા સ્તુતિ ભક્તિ કરવાનો અવસ૨ મળ્યો છે ત્યારે અવર્ણનીય ભીતરના આનંદની અનુભૂતિ થઈ છે. વંદના સહ ૪૯ ગાથાના પઠન બાદ પૂ. સ્વામી, અરિહંત પરમાત્માનું ધ્યાન કરાવે ત્યારે ભાવિકો પરમાત્માના ધ્યાનમાં એકાકાર બનીજાય ખરેખર તે માહોલ માણવા જેવો હોય છે.
પરમ દાર્શનિક પૂજ્ય ગુરુદેવ શ્રી જયંતિલાલજી મહારાજે અરિહંત વંદનાવલીના ભાવોને શબ્દદેહ આપી ભક્તહૃદયમાં પડેલી પુનિત ભક્તિને ઉજાગર કરી આપણા પર પરમ ઉપકાર કર્યો છે. શ્રુતલેખનના સમ્યક પુરુષાર્થી આદરણીય બીનાબહેને આ ભાવો અમારા સુધી પહોંચાડ્યા તે બદલ તેમનો આભાર. પૂજ્ય ગુરુદેવ શ્રીનમ્રમુનિજી મહારાજ સાહેબના આ પ્રકાશનને આશિર્વાદ પ્રાપ્ત થયા છે તે અમારા માટે ગૌરવની ઘટના છે.
અરિહંત વંદનાવલીનો ગુજરાતી અનુવાદ કરનાર “શ્રી ચંદ્ર''ના પરિચય માટે પાઠશાળાના તંત્રી શ્રી રમેશભાઈ શાહનો આભાર. સંપાદન કાર્યમાં મારા ધર્મપત્ની ડૉ. મધુબહેન બરવાળિયાનો સહયોગ મળ્યો છે. રંગીન ચિત્રોના આર્ટવર્ક માટે શ્રી દર્શન શાહ તથા
D.T.P માટે સસ્તું પુસ્તક ભંડારના શ્રી વિજયભાઈ તથા સુંદ૨ મુદ્રણ કાર્ય માટે અરિહંત પ્રિ. પ્રેસના શ્રી નીતિનભાઈનો આભાર.
પ્રકાશન સૌજન્ય અને સહયોગી દાતાઓની શ્વેત અનુમોદનાની અભિવંદના સાથે વીરમું છું.
ગુણવંત બરવાળિયા
૬૦૧, સ્મિત એપાર્ટમેન્ટ, ઉપાશ્રયલેન, ઘાટકોપર (ઇસ્ટ)
પ્રજાસત્તાક પર્વ ૨૬-૧-૦૯ 940888888 ૪
