Page Text
________________
एकेषां सञ्ज्ञाभावः [श्रु०१। अ०१। उ०१। सू०१] साम्प्रतं सूत्रानुगमे अस्खलितादिगुणलक्षणोपेतं सूत्रमुच्चारणीयम्, लक्षणं त्विदम्
"अप्पग्गंथमहत्थं बत्तीसादोसविरहियं जं च । लक्खणजुत्तं सुत्तं अट्ठहि य गुणेहिं उववेयं ॥"
[आव०नि०८८०, बृ०क०भा०-२७७ ] इत्यादि । तच्चेदं सूत्रम्[सू०] सुयं मे आउसं ! तेणं भगवया एवमक्खायं- इहमेगेसिं नो सन्ना भवति ।
सुयं मे आउसं ! तेणं भगवया एवमक्खायं- इहमेगेसिं नो सन्ना भवति । अस्य संहितादिक्रमेण व्याख्या- संहिता उच्चारितैव । पदच्छेदः तु अयम्- श्रुतं मया आयुष्मन्, तेन भगवता एवं आख्यातम्- इह एकेषां नो सञ्ज्ञा भवति । एकं तिङन्तम्, शेषाणि सुबन्तानि । गेतः सपदच्छेदः सूत्रानुगमः ।
साम्प्रतं सूत्रपदार्थः समुन्नीयते- भगवान् सुधर्मस्वामी जम्बूनाम्न इदमाचष्टे यथाश्रुतम् आकणितं अर्वगतं अवधारितमिति यावद्, अनेन स्वमनीषिकाव्युदासः । मया इति साक्षात्, न पुनः पारम्पर्येण । आयुष्मन् इति जात्यादिगुणसम्भवे अपि दीर्घायुष्कत्वगुणोपादानं दीर्घायुः अविच्छेदेन शिष्योपदेशप्रदायको यथा स्यात् । इह आचारस्य व्याचिख्यासितत्वात् तदर्थस्य च तीर्थकृत्प्रणीतत्वादिति सामर्थ्यप्रापितं तेन इति तीर्थकरमाह । यदि वा आमृशता भगवत्पादारविन्दमिति, अनेन विनय आवेदितो भवति । आवसता वा तदन्तिक इति, अनेन तु गुरुकुलवासः कर्तव्य इति आवेदितं भवेति । एतच्च अर्थद्वयं आमुसंतेण आवसंतेण इति एतत्पाठान्तरं आश्रित्य अवगन्तव्यमिति । भगवता इति भगः ऐश्वर्यादिषडर्थात्मकः, सः अस्य अस्ति इति भगवान्, तेन । एवम् इति वक्ष्यमाणविधिना आख्यातमिति अनेन कृतकत्वव्युदासेन अर्थरूपतया आगमस्य नित्यत्वमाह । इह इति क्षेत्रे प्रवचने आचारे शस्त्रपरिज्ञायां वा आख्यातमिति सम्बन्धः । यदि वा इह इति संसारे, एकेषां ज्ञानावरणीयावृतानां प्राणिनां नो सञ्ज्ञा भवति, सञ्ज्ञानं सञ्ज्ञा स्मृति अवबोध इति अनर्थान्तरम्, सा नो जायत इत्यर्थः । उक्तः पदार्थः । पदविग्रहस्य तु सामासिकपदाभावाद् अप्रकटनम् ।
इदानीं चालना- ननु च अकारादिकप्रतिषेधकलघुशब्दसम्भवे सति किमर्थं
टि० १. गतश्च पदच्छेदः । साम्प्र० ख ॥ २. ०वधारि० ख ॥ ३. ०युष्मत्त्वगु० ग घ ङ । ४. अथवा ख ।। ५. ०ति । इत्येतच्चा० ख ॥ ६. ०ति अनेन वक्ष्य० ख ॥ ७. ०नागमस्यार्थरूपतया नित्यत्वमित्यर्थः । इह ख ॥ ८. नोपजायत च ॥
| SR No. | 032460 |
| Book Title | Acharang Sutra Part 01 |
| Original Sutra Author | N/A |
| Author | Jaysundarsuri, Yashovijay Gani |
| Publisher | Divyadarshan Trust |
| Publication Year | 2011 |
| Total Pages | 496 |
| Language | Sanskrit, Hindi |
| Classification | Book_Devnagari & agam_acharang |
| File Size | 16 MB |