________________
६४
पछे घणीं नरमा करी ।
इसा वनीत तो बैणीरांमजी स्वामी इसा जबर भीखणजी स्वामीजी ।
भिक्खु दृष्टांत
१६४. इसा स्वामीजी अवसर ना जाण
बैणीरामजी स्वामी को - हूं थली मै जाऊं चन्द्रभाणजी सूं चरचा करूं । जद स्वामीजी बोल्या - थारै उणां चरचा करवा रा त्याग है । इसो हिज अवसर देखने औ त्याग कराया । इसा स्वामीजी अवसर नां जाण ।
१६५. आंख्यां गमावता दीसे है
मेंणाजी आर्या ने अनै बैणीरांमजी स्वामी नै (आश्रयी नै ) स्वामीजी बोल्या - आंख्यां रो ओषध घणौ करै सो आंखां गमावता दीस है । तौ पिण ओषध छोड़ नहीं । पछे आंख्यां घणी कच्ची पड़ गई । ओषध घणौ कीधौ ति सूं आंख्यां नै जोखो थयो ।
१६६. ते लेवा जोग नहीं
गुजरात सूं सिंघजी आय नाथद्वारे में स्वामीजी कनै दीक्षा लीधी । पछे कितरा एक दिन तो ठीक रह्यौ । पछै सिरयारी मै अयोग्य जाणने छोड़ दयौ । ते मांह पर हो गयौ ।
पछै खेतसीजी स्वामी बोल्या - सिंघजी नै प्रायश्चित्त देइ नै पाछो उरहो ल्यो, हूं जायनै ल्यावूं ।
जद स्वामीजी बोल्या - ते लेवा जोग नहीं । तौ पिण कमर बांधने ल्यावा नै त्यार थया ।
जद स्वामीजी कह्यौ - उणां भेलो थें आहार कीधी है तौ थां भेलौ आहार करवा रा त्याग है । इम सुणनै मोटा पुरुष कोइ ल्यावा नै गया नहीं । इसा जबर भीखणजी स्वामी ।
पछे सिंघजी रा समाचार सुण्यां ऊ तौ राळी ओढ़ने घरटी रै जोड़े सूत है ।
*******
१६७. जायगां माप आवो
दोय साधां रे माहोमाहि अड़बी लागी । स्वामीजी कनै आया । इण लोट माही थी पाणी रा टपका पड़ता । ऊ तौ कहै - इती दूर आयो, कहै - इतरा पांवड़ा । परस्पर विवाद करें। समझाया समझ नहीं ।
जद स्वामीजी कह्यौ —थें दोनूं जणां डोरी ले जायनै जागा माप आवो । जद दोनूं जणां अड़बी छोड़ने सुद्ध होय गया ।
