Page Text
________________
२६८
जद चैनजी बोल्यो - आश्रव जीव है । जद श्रीपूजजी बोल्या -थै खोटी धारी है ।
जद चैनजी बोल्यो - आप ईज खोटी धारी है ।
श्रावक दृष्टांत
श्रीपूजजी बोल्या - आ चरचा आंपे पछै करसां । बखाण ऊठयां लोक ठिकाणे गया । श्रीपूजजी चरचावादी सिद्धन्ती जत्यां नै बोलाया । कहै – सूत्र देखो, आश्रव जीव है के अजीव निरणय करौ ।
जद चरचावादियां निरणय कर आय कह्यौ -सूत्र रै न्याय तौ आश्रव जीव है | जद श्रीपूजजी चैनजी नै बोलायो, कहै - आश्रव जीव है अने हैं अजीव को सो म्हांरे 'मिच्छामि दुक्कडं' छै । तौने खमावां छां । अबारूं तौ कहां छा, पिण खमावणौ तौ काले परषदा मैं होसी । दूजे दिन प्रभात रा खाण मै परखदारा वृंद मै श्रीपूजजी बोल्या - चैनजी म्हैं काले आश्रव नै अजीव क अन थे जीव कह्यौ सो थें तौ सांचा नै म्हे झूठा, म्हांरै मिच्छामि दुक्कडं है । थाने खमावां छां । इणरीते मांन मेलै । इसा मानवी थोड़ा ।
१६. जीव रौ अजीव थयौ कांई ?
खरतरां नां श्री पूज रंगविजयजी जिनचंदसूरी कृष्णगढ़ हुंता । तिहां भारमलजी स्वामी १० साधां सूं कृष्णगढ़ पधारीया | नवा सैहर में ऊतर्या । बगीची मै चरचा ठेहराई । ३५ साध नानगजी रा, उगराजी रा, अमरसींगजी रा इत्यादि चरचा करवा आया । ९ साधां सूं भारमलजी स्वामी पधार्या । सैकड़ों लोक भेळा थया । आश्रवरी चरचा चाली । नानगजी रौ निहालजी तौ बोल्यो - आश्रव अजीव, अनै भारमलजी बोल्या - आश्रव जीव है, स्वामीजी बोल्या कर्मा नै ग्रहै ते आश्रव, कर्मा नै ग्रहै ते तौ जीव है, अजीव तौ कर्मां ग्रहै नहीं । बली स्वामीजी बोल्या - गृहस्थ तौ आश्रवी अन साधपणौ लीया साधू ते संवरी | आश्रव अजीव कहौ तो कांई अजीव रौ जीव थयो ? साधु भ्रष्ट होय ग्रहस्थ थयौ तौ कांई साधू संवरी जीव थौ ग्रहस्थ थी तो कई जीव रौ अजीव थयौ ? इम चरचा करने कष्ट कीधौ । सुद्ध जाब देवा तौ समर्थ नहीं ।
जद बोल्या - " साध नै अजीव कहे रे ।" "साध ने अजीव कहै रे !' इम हाकी कर उठा । स्वामीजी पिण आपरै ठिकाणै पधार्या ।
• अ चरचालायक नहीं
पछे स्वामीजी री आज्ञा लेई खेतसीजी स्वामी हेमजी स्वामी रायचंदजी स्वामी गौरी उठ्या, जद जिनचंद सूरी ब्राह्मण नै मेलन उपासरा मै
1
बोलाया । साधां नै आवता देखने श्री पूजजी पाट सूं हेठा ऊतर नै आंगण बैठा । साधां नै बेसाण नै बोल्या - आप इणां सूं चरचा करौ, सो ओ चरचा लायक नहीं है।
O
| SR No. | 032435 |
| Book Title | Bhikkhu Drushtant |
| Original Sutra Author | N/A |
| Author | Jayacharya, Madhukarmuni |
| Publisher | Jain Vishva harati |
| Publication Year | 1994 |
| Total Pages | 354 |
| Language | Hindi |
| Classification | Book_Devnagari |
| File Size | 21 MB |